බ්‍රසීල ජනාධිපතිවරණයේ පැවති දෙවැනි වටයේ ඡන්ද විමසීමෙන් ඡන්ද 60,345,107 ලබාගනිමින් වාමාංශික දේශපාලන මතවාදය නියෝජනය කරන ලූලා ද සිල්වා ජයග්‍රහණය කර තිබේ.

එය ප්‍රතිශතයක් ලෙස සියයට 50.9 කි.

දෙවැනි ධුර කාලයක් අපේක්ෂා කරමින් ජනපති සටනට ඉදිරිපත් වූ අන්ත දක්ෂිණාංශිකයෙකු වූ යාර් බොල්සරානෝ හට ලබා ගත හැකි වූයේ ඡන්ද 58,205,814 ක් පමණි. එය ප්‍රතිශතයක් ලෙස සියයට 49.1 කි.

බ්‍රසීල ජනාධිපතිවරණයේ පළමු වටය පසුගිය ඔක්තෝබර් දෙවැනිදා පැවැත්විණි. ඊට අපේක්ෂකයන් 11 දෙනකු ඉදිරිපත් වුණු අතර කිසිවකුට සියයට 50 කට වඩා වැඩියෙන් ඡන්ද ප්‍රතිශතයක් හිමිකර ගැනීමට නොහැකි වීම විශේෂත්වයකි.

ජනාධිපතිවරණය ජය ගත් ලූලා ද සිල්වා 2003 සිට 2010 තෙක් කාලයේ බ්‍රසීල ජනාධිපති ධුරය දැරීය.