එංගලන්තයේ, වේල්සයේ සහ උතුරු අයර්ලන්තයේ හෙද හෙදියන් 100,000කට වැඩි පිරිසක් ඊයේ(15) තම සේවා ස්ථාන වලින් ඉවත්ව ගිය අතර රාජකීය හෙද විද්‍යාල සංගමයේ 106 වසරක ඉතිහාසයේ විශාලතම වැඩවර්ජනය වන බව රාජකීය හෙද විද්‍යාල ආරංචි මාර්ග පවසයි

“ස්කයි නිව්ස්” මාධ්‍ය ජාලයට අනුව, එංගලන්තයේ රෝහල් සහ ප්‍රජා කණ්ඩායම් වලින් හතරෙන් එකක් පමණ, උතුරු අයර්ලන්තයේ සියලුම භාර සහ වේල්සයේ එක් සෞඛ්‍ය මණ්ඩලයක් හැර අනෙකුත් සියලුම දෙනා වෘත්තීය ක්‍රියාමාර්ගයට සහභාගී වන අතර එය ලබන අඟහරුවාදා(20) දක්වා අඛන්ඩව පැවැත්වීමට නියමිතය.

බ්‍රිතාන්‍ය හෙදියන් “අර්බුදකාරී සංධිස්ථානයකට” ළඟා වී ඇති බව ඔවුන්ට වර්ජනය කිරීම හැර වෙනත් විකල්පයක් ඉතිරි කර නොමැති බව රාජකීය හෙද විද්‍යාල කමිටු සභාපති ඩෙනිස් කෙලී ස්කයි නිව්ස් වෙත පැවසීය. “වසර ගණනාවක් ප්වතින වැටුප් කප්පාදුව”, රාජ්‍ය අංශයේ වැටුප් කැටි කිරීම සහ ජීවන වියදම උපුටා සහ ඉහළ යන ජීවන් වියදම උපුටා දක්වමින් හෙදියන් 19% වැටුප් වැඩිවීමක් ඉල්ලා සිටී.

තමන් මුහුණ දෙන මූල්‍ය දුෂ්කරතාවලින් ඔබ්බට ගොස් අදහස් දක්වන, බොහෝ හෙදියන් තර්ක කරන්නේ රෝගීන්ගේ ආරක්ෂාව අවදානමට ලක්ව ඇති බවයි. ලන්ඩනයේ ශාන්ත තෝමස් රෝහලේ ප්‍රජා පරිපාලකයෙක් ස්කයි නිව්ස් වෙත පැවසුවේ “එක් හෙදියක් තුන් දෙනෙකුගේ කාර්යය කරන” තරම් අඩු කාර්ය මණ්ඩලයක් සහිතව රෝගීන්ගේ ජීවිත අනතුරේ හෙළන තරමට “හෙදියන් දැඩි වෘත්තීය පීඩනයකට” ලක්ව බවයි.

රෝගීන්ගේ උපදේශන කණ්ඩායම රෝගීන්ගේ සංගමය හෙදියන්ට සහයෝගීතාව ප්‍රකාශ කර ඇත. ප්‍රධාන විධායක නිලධාරී රේචල් පවර් ආන්ඩුවෙන් බැගෑපත්ව ඉල්ලා සිටියේ මෙම “බියජනක කාලය” තුළ “ර්‍Cණ් සමඟ මේසය වටා ගොස් මෙයට විසඳුමක් සොයන්න” ලෙසයි.

මේ අතර මහා බ්‍රිතාන්‍යයේ සෞඛ්‍ය ලේකම් මාරියා කෝල්ෆීල්ඩ් මහත්මිය තර්ක කර ඇත්තේ වැටුප් වැඩිවීමේ සෑම 1%ක අගයකටම මහජනතාවට පවුම් මිලියන 700ක් (ඩොලර් මිලියන 853.25) වැය වන බවත්, උද්ධමනය ගැලපීමට උත්සාහ කිරීම මගින් ගැටලුව තවත් නරක අතට හැරෙනු ඇති බවත්ය.

මේ අතර, එක්සත් රාජධානියේ ආර්ථිකයට තවදුරටත් කඩාකප්පල් වීම වැළැක්වීම සඳහා “දැඩි නව වැඩ වර්ජන නීති” හඳුන්වා දීමට තමා සූදානම් බව අගමැති සුනාක් මේ සතිය මුලදී අනතුරු ඇඟවීය. සංක්‍රමණ සේවකයින්, රාජකීය තැපෑල, මහාමාර්ග කාර්ය මණ්ඩලය සහ අනෙකුත් බ්‍රිතාන්‍ය වෘත්තීය සමිති ඉදිරි සතිවල වැඩවර්ජන කිරීමට සූදානම්ව සිටින බවද මහා බ්‍රිතාන්‍යය මාධ්‍ය වාර්තා පවසයි.