ඇමෙරිකාවේ උතුරුදිග කැලිෆෝනියා ජනපදයේ ප්‍රාන්තවලට රික්ටර් පරිමාණයේ ඒකක 6.4 ක ප්‍රබලත්වයක් සටහන් කළ ප්‍රබල භූමි කම්පාවක් හටගෙන ඇතැයි වාර්තා වේ.

ප්‍රධාන භූමිකම්පාවෙන් පසු පසු කම්පන 80 ක් පමණ හටගෙන ඇති බව ද බවත්, ප්‍රධාන භූමිකම්පාව හටගෙන ඇත්තේ සැන් ෆ්‍රැන්සිස්කෝ නුවර සිට කිලෝ මීටර් 350 ක් දුරින් බවත් විදෙස් මාධ්‍ය සදහන් කරයි.

භූමි කම්පාව හේතුවෙන් දැනට පුද්ගල මරණ 2ක් වාර්තා වී ඇති බවද, තුවාල ලැබූ ගණන 11 ක් වන බවද වාර්තා වන අතර, එම මරණ සහ තුවාල ලැබූවන් වාර්තා වන්නේ හම්බෝල්ට් ප්‍රාන්තයෙනි.

නිවාස සහ ගොඩනැගිලි දහස් ගණනකට හානි සිදුවී ඇති බවත්, 70,000 කට අධික පිරිසක් විදුලිය බලය නොමැතිව පීඩාවට පත්ව සිටින බවත් විදෙස් මාධ්‍ය වාර්තා කරයි. අධිවේගී මාර්ග ද ඇතුළු මාර්ග රැසක් භූමි කම්පාවෙන් විනාශ වී ගමනාගමන කටයුතු අඩපණ වී ඇති බවද වාර්තා වේ.