මාලදිවයිනේ හිටපු ජනාධිපති අබ්දුල්ලා යමීන් ට එරට අපරාධ අධිකරණය වසර 11ක සිරදඬුවමක් නියම කර ඇතැයි විදෙස් මාධ්‍ය සදහන් කරයි.

සිරදඬුවමට අමතරව ඔහුට අමෙරිකානු ඩොලර් මිලියන 5ක දඩයක් ද නියම කර ඇති බව වාර්තා වේ.

මූල්‍ය වංචා සහ මුදල් විශුද්ධිකරණය සම්බන්ධයෙන් හිටපු ජනාධිපතිවරයාට එරෙහිව එල්ල වූ චෝදනාවලට ඔහු වරදකරු වීමෙන් පසු එම තීන්දුව ලබාදී තිබේ.

2019 වසරේදීත් රජයේ අරමුදලකින් මුදල් ලබාගත් බවට එල්ල වූ චෝදනාවක් යටතේ වරදකරු වූ යමීන් ට වසර 5ක සිරදඬුවම් සහ දඩයක් නියම කෙරුණු අතර, 2020 වසරේදී නිවාස අඩස්සියට පත් ඔහු ඉන් නිදහස ලැබුවේ මාස කිහිපයකින් පසුවය.

කෙසේ නමුත් යමීන් මේ චෝදනා සියල්ල ප්‍රතික්ෂේප කර ඇති බවද වාර්තා වේ.