රුසියානු ජනාධිපති ව්ලැඩිමීර් පුටින් මහතා චීන ජනාධිපති ෂී ජින්පින් මහතා සමඟ සාකච්ඡා පැවැත්වීමට නියමිත බව විදෙස් වාර්තා පවසයි.දෙරටේ නායකයින් “ශීඝ්‍රයෙන් වර්ධනය වන” වෙළඳ සබඳතා, ජාතීන් දෙකම මුහුණ දෙන කලාපීය ගැටලු සහ පෙබරවාරි මාසයේදී ඇති වූ ප්‍රධාන උපායමාර්ගික සන්ධානය පිළිබඳව සාකච්ඡා කරනු ඇතැයි අපේක්ෂා කෙරේ.

ඊයේ(29) මාධ්‍යවේදීන් අමතමින් රුසියානු රජයේ මාධ්‍යය ප්‍රකාශක දිමිත්‍රි පෙස්කොව් පැවසුවේ පුටින් සහ ෂී හෙට (30) උදෑසන අන්තර්ජාලය ඔස්සේ මුහුනට මුහුණ හමුවවන බවත්, සාකච්ඡා “ද්විපාර්ශ්වික රුසියානු-චීන සබඳතා” කේන්ද්‍ර කර ගනිමින් සිදුවන බවත්ය.

“ඇත්ත වශයෙන්ම, රුසියාවට සහ චීනයට වඩා වැදගත් වන කලාපීය ගැටළු පිළිබඳව අදහස් හුවමාරු කර ගැනීම ඉතා වැදගත් . අපගේ නායකයින් දෙපල සැබෑ උපායමාර්ගික හවුල්කාරිත්වයේ පදනම තුළ මෙම ගැටළු සාකච්ඡා කිරීමට නියමිතයි. දෙරට අතර ශීඝ්‍රයෙන් වර්ධනය වන වෙළඳ පිරිවැටුම සම්බන්ධයෙන් දෙරටේම නායකයෝ ඉහල අවධානයක් යොමු කර තිබෙනවා.” පෙස්කොව් පැවසුවේය.

රුසියානු වේලාවෙන් අද(30) උදෑසන පැවැත්වීමට නියමිත සාකච්ඡාවේ මූලික අදහස් හුවමාරුව මහජනතාවට විවෘත වනු ඇති බව පෙස්කොව් පැවසීය. නමුත් පිළිගැනීමේ ප්‍රකාශයෙන් පසුව සංවාදය දෙරටේ නයකයින් අතර පුද්ගලිකව සිදුවනු ඇති බව පෙස්කොව් අනාවරණය කළේය.

රුසියානු ජනාධිපති පුටින් සහ චීන ජනාධිපති ෂී අතර සිදුවූ අවසන් මුහුණට මුහුණ හමුව පසුගිය සැප්තැම්බරයේ උස්බෙකිස්තානයේ සමර්කන්ඩ් හිදී පැවති අතර එහිදී නායකයන් දෙපල ඔවුන් යුක්රේනයේ ගැටුම පිළිබඳව දීර්ඝ ලෙස සාකච්ඡා කළහ. සාකච්ඡා පිළිබඳව අදහස් දක්වමින් රුසියානු විදේශ අමාත්‍ය සර්ජි ලැව්රොව් පැවසුවේ බොහෝ වැදගත් කරුණු සම්බන්ධයෙන් රුසියාව සහ චීනයේ අදහස් “සම්පූර්ණයෙන්ම නිෂ්චිත දිශානතියකට පෙළගැසී ඇති” බවත් දෙපාර්ශවය අතර “නොගැලපීම්” නොමැති බවත්ය.

අභ්‍යවකාශ ගවේෂණ, දේශගුණික විපර්යාස, කෘත්‍රිම බුද්ධිය සහ ආරක්‍ෂක ප්‍රශ්න ආවරණය කරන බව පවසමින් මේ වසර මුලදී “මායිම් රහිත” උපායමාර්ගික හවුල්කාරිත්වයකට දෙරට එකඟ වීමෙන් පසු මෑත මාසවලදී මොස්කව් සහ බීජිං අතර සබඳතා සැලකිය යුතු ලෙස ශක්තිමත් වී තිබේ. එතැන් සිට, ඔවුන් මෙම සතිය මුලදී අවසන් වූ නැගෙනහිර චීන මුහුදේ නාවික අභ්‍යාස ඇතුළු ඒකාබද්ධ මිලිටරි අභ්‍යාස කිහිපයක් දියත් කර තිබේ. චීනය රුසියාවෙන් බලශක්ති ආනයනය ඉහළ නංවා ඇති අතර මොස්කව් ඉලක්ක කරගත් බටහිර ආර්ථික සම්බාධක ක්‍රියාවලිය ලිහිල් කිරීමට දායක වීමට චීනය කටයුතු කර ඇත.

මූලෝපායික ගිවිසුමේ කොටසක් ලෙස, රුසියාව, තායිවානය සම්බන්ධයෙන් චීනයේ ස්ථාවරයට කොන්දේසි විරහිතව සහාය දුන් අතර, මතභේදයට තුඩු දී ඇති තායිවාන් දිවයින සම්බන්ධයෙන් බටහිර රටවල් ගැටුම් අවුලුවාලීම සම්බන්ධයෙන් චෝදනා කරමින්, එක්සත් ජනපදය, එක්සත් රාජධානිය සහ ඕස්ට්‍රේලියාව අතර ගොඩ නැගී ඇති AUKUS මිලිටරි සන්ධානය හෙළා දැකීමට චීන මහජන සමූහ ආණ්ඩුව සමඟ එක් විය. එක්සත් ජනපදය සහ නේටෝ සංවිධානයේ අනෙකුත් සාමාජික රටවල් මීට පෙර රුසියාවෙන්, විශේෂයෙන්ම යුක්රේනය සම්බන්ධයෙන් ආරක්ෂක සහතික ඉල්ලා සිටි අතර, චීනය සහ රුසියාව යන රටවල් දෙකම තවදුරටත් නේටෝ ව්‍යාප්තිය නිරන්තරයෙන් ප්‍රතික්ෂේප කිරීම විශේෂ කරුණකි.