රුසියාවේ “ඕතඩොක්ස් නත්තල්” සැමරුම පැවැත්වීමට එරට පූජක ප්‍රජාව කළ ඉල්ලීමක් සැලකිල්ලට ගනිමින් ජනාධිපති ව්ලැඩිමීර් පුටින් ජනවාරි 6 වන දින දහවල් 12 සිට ජනවාරි 7 වන දින මධ්‍යම රාත්‍රිය දක්වා පැය 36 ක සටන් විරාමයක් ප්‍රකාශයට පත් කළේය. .

රුසියානු ඕතඩොක්ස් පල්ලියේ නායක කිරිලිස් පූජක තුමා විසින් ඉදිරිපත් කළ  අභියාචනයක්  සලකා බලමින් ජනාධිපති පුටින් සටන් විරාම නියෝගය ජනවාරි 05 වනදා නිකුත් කරන ලදී. “ඕතඩොක්ස් පල්ලිය නත්තල් දවස ලෙස සලකන ජනවාරි 6  දිනයෙහි ආගමික වතාවත් වල නියැලීමටත් සාමය පිණිස යාඥා කිරීමටත් ඕතඩොක්ස් කිතුනු භක්තිකයන්ට ඉඩ ලබා දෙන ලෙස අපි යුක්රේන පැත්තෙන් ඉල්ලා සිටිමු.” යනුවෙන් ජනාධිපති පුටින් යුක්‍රේනයෙන් ඉල්ලා සිටියේය.

කෙසේ වුවද යුක්‍රේන හමුදා එම ඉල්ලීම ප්‍රතික්ෂේප කරමින් සටන් විරාමය ආරම්භවී පළමු මිනිත්තුව ගත වෙද්දීම ඩොන්ස්ටෙක් ප්‍රදේශය ඉලක්ක කර ගනිමින් මිසයිල ප්‍රහාරයක් එල්ල කර ඇති බව රුසියානු මාධ්‍යය වාර්තා කර සිටී.