තුර්කියේ සහ සිරියාවේ භූමිකම්පාවෙන් සිදු වු මරණ සංඛ්‍යාව මේ වන විට 7,200 ඉක්මවා ගොස් ඇති බව විදෙස් මාධ්‍ය පවසයි.

භූකම්පනය හේතුවෙන් සිරියාවේ මියගිය සංඛ්‍යාව 1,800ක් වන අතර තුර්කියේ මියගිය සංඛ්‍යාව 5,400ක් වන බවයි එම මාධ්‍ය වාර්තා පෙන්වා දෙන්නේ.

මේ වන විට භූමිකම්පාවෙන් විපතට පත්වූවන් සඳහා සහන සැලසීමට රටවල් 70කින් සහනාධාර මෙන්ම සහන සේවා කණ්ඩායම් යොමුකර ඇති බව සඳහන්ය.

මුදාගැනීමේ කටයුතු වලට දැඩි ශීත කාලගුණය හරස් වී තිබුන ද ගොඩනැගිලි සුන්බුන් අතර සිරවී සිටින පුද්ගලයින් මුදා ගැනීම සඳහා මෙහෙයුම් අඛණ්ඩව සිදුකරමින් පවතින අතර, අපාදාව හේතුවෙන් මාස 03ක හදිසි තත්ත්වයක් තුර්කි ජනාධිපතිවරයා විසින් මේ වන විට ප්‍රකාශයට පත්කර ඇතැයි ද වාර්තා වේ.