තුර්කියට සහ සිරියාවට බලපෑ ප්‍රබල භූ කම්පනයෙන් මියගිය බවට තහවුරු වූ පුද්ගලයින් සංඛ්‍යාව මේ වන විට 15,000 ඉක්මවා ගොස් තිබේ.

විදෙස් මාධ්‍ය වාර්තා කර ඇත්තේ මෙම මරණ ප්‍රමාණය බලධාරීන් විසින් මේ වන විට තහවුරු කර ඇති බවය.

කෙසේවෙතත් සිරියාවේ භූ කම්පනයෙන් මියගිය සංඛ්‍යාව පිළිබඳ නිශ්චිත සංඛ්‍යාලේඛන ලබාගැනීම දුෂ්කර වී ඇති බව ද වාර්තා වෙයි.

දරුණු ලෙස විපතට පත් සමහර ප්‍රදේශවල පවුල් පවසා ඇත්තේ, ගලවා ගැනීමේ ප්‍රයත්නවල මන්දගාමී ස්වභාවය නිසා සුන්බුන් අතර සිර වී සිටින තම ඥාතීන් සොයා ගැනීමට ඔවුන්ට උදව්වක් නොමැති බව ය.

භූමිකම්පාව සිදු වී මේ වන විට පැය 60ක් පමණ ගත වී ඇති අතර, කඩාවැටුණු ගොඩනැගිලිවල සුන්බුන් අතර සිරවූවන් මුදාගැනීම සඳහා සෝදිසි මෙහෙයුම් තවදුරටත් ක්‍රියාත්මකය.

පසුගිය සඳුදා(06) ඇතිවූ මෙම භූ කම්පනය සැලකෙන්නේ වසර 20කට පසුව ලොව සිදුවූ දරුණුතම භූ කම්පනය ලෙසටය.