ශ්‍රී ලංකාවේ මත්තල රාජපක්ෂ ජාත්‍යන්තර ගුවන්තොටුපලේ (MRIA) භාණ්ඩ ප්‍රවාහන මෙහෙයුම් නිල වශයෙන් ආරම්භ කරමින්, හම්බන්තොට සිට එක්සත් ජනපදයට භාණ්ඩ ප්‍රවාහන ගුවන් යානයක් ප්‍රථම වරට ඊයේ (09) ගුවන් ගත විය.

විදෙස්ගත ශ්‍රී ලාංකිකයන් නැවත මෙරටට ගෙන්වා ගැනීමේ රජයේ වැඩසටහනේ කොටසක් ලෙස එමිරේට්ස් ගුවන්සේවයට අයත් යානයක් එක්සත් අරාබි එමීර් රාජ්‍යයේ ඩුබායි සිට අතරමං වූ ශ්‍රී ලාංකිකයන් 428 දෙනෙකු සමඟ ඊයේ සවස 4.30 ට පමණ මත්තල රාජපක්ෂ ජාත්‍යන්තර ගුවන්තොටුපලට පැමිණියේය. මෙය එදින රාත්‍රී 7:30 ට පමණ මත්තලින් එක්සත් ජනපදය බලා පිටත් වූයේ මෙට්‍රික් ටොන් 28 ක ඇඟලුම් තොග සමඟිනි.

COVID-19 වසංගතය හේතුවෙන් ගෝලීය ගුවන් ගමන් සඳහා තහංචි පනවනු පසුගිය මාස දෙක තුළ ලැබූ මත්තල ජාත්‍යන්තර ගුවන්තොටුපළ ගුවන් ගමන් 70 ක් ක්‍රියාත්මක කර ඇති අතර 2500 කට අධික පිරිසකට ගුවන් ගමන් පහසුකම් සපයා ඇත.