කිළිනොච්චිය, ධර්මපුරම්, පුලියන්පොක්කනෙයි සමූපකාර ගොඩනැගිල්ල පිහිටි ඉඩමේ පැරණි වැසිකිළි වලක තිබී ක්ලේමෝ බෝම්බ සමඟ ආයුධ තොඟයක් සොයාගෙන තිබේ.

පොලීසියට ලැබුණු තොරතුරක් මත සිදු කළ පරික්ෂාවකදී අත්බෝම්බ 184ක්, ටී 56 පතුරොම් 35,500ක් ක්ලේමෝ බෝම්බ 05ක්, ආර්.පී.ජී උණ්ඩ 04ක් සහ අධිබලැති පුපුරණ ද්‍රව්‍ය, කිලෝග්‍රෑම් 04ක් ඇතුළු යුධෝපකරණ කිහිපයක් සොයාගෙන ඇති බව වාර්තා වේ.

කිලිනොච්චිය මහේස්ත්‍රාත් අධිකරණයේ නියෝගයක් යටතේ පොලිස් විශේෂ කාර්යය බලකා බෝම්බ නිශ්ක්‍රීය අංශයේ නිලධාරින් විසින් එම උපකරණ සහ පුපුරණ ද්‍රව්‍ය සොයාගෙන තිබේ.

සිද්ධිය සම්බන්ධයෙන් ධර්මපුරම් පොලිසිය වැඩිදුර විමර්ශන සිදු කරයි.