ලංකා ලීඩ් නිව්ස් සමඟ කළ සාකච්ඡාවක දී මාලදිවියාන ඒවියේශන්(Maladiviana Aviation Sri Lanka Pvt Ltd) සමාගමේ සභාපති ආචාර්ය ධර්මදාස වික්‍රමගේ මහතා අදහස් දක්වමින් පවසා සිටියේ.

“රුසියානු ජාතික ගුවන් සේවය වන අරාෆ්ලොට් (Aeroflot) ගුවන් සේවය ලබන නොවැම්බර් 4 වැනිදා සිට කොළඹ බණ්ඩාරනායක ජාත්‍යන්තර ගුවන් තොටුපල වෙත යළි ගුවන් ගමන් ආරම්භ කිරීමට නියමිතව තිබෙන බවත්.රුසියානු සංචාරකයන් රැගෙන මොස්කව් සිට සෑම සතියකට වරක්ම ගුවන් යානා දෙකක් කොළඹ බණ්ඩාරනායක ජාත්‍යන්තර ගුවන් තොටුපල වෙත පැමිණීමටද නියමිත බවයි ”

තවද සෝවියට් දේශය බිඳ වැටීමෙන් පසු කොළඹ සහ මොස්කව් අතර අරාෆ්ලොට් ගුවන්සේවා නවතා දැමූවත් 2011 දක්වා එම ගුවන් සේවය චාට(ර්) ගුවන් සේවයක් ලෙස පවත්වාගෙන යාමට මාලදිවියාන සමාගම කටයුතු කෙරිණි. 2011 වසරේදී නැවතත් ආරම්භ වු මෙම ගුවන් සේවය කොවිඩ් වසංගතය නිසා තාවකාලිකව නවතා දැමීමටද සිදු වුණි.