අගමැති විය යුත්තේ මහින්ද රාජපක්ෂ මහතා බවත් ඒ සඳහා මෛත්‍රිපාල සිරිසේන මහතාගේ කැමැත්ත ලබා ගැනීමේ කාර්යය සිදු කිරීම 16 දෙනාගේ කණ්ඩායමේ පරමාර්ථය බවත් පාර්ලිමේන්තු මන්ත්‍රී ඩිලාන් පෙරේරා මහතා පැවසීය.
බදුල්ලේ සිය නිවසේ දී අද (11) පැවති මාධ්‍ය හමුවකදී මන්ත්‍රීවරයා එම අදහස් පළ කළේය.

එහිදී වැඩිදුරටත් අදහස් දැක්වූ මන්ත්‍රීවරයා,
අපේ 16 දෙනාගේ කණ්ඩායම කල්පනා කරන්නේ මෛත්‍රීපාල සිරිසේන මැතිතුමා ජනාධිපති ධූරයේ ඉන්න ගමන් මහින්ද රාජපක්ෂ මැතිතුමා අගමැති කරවන්න ඕන කියන කාරණයේ. එතකොට ඔය එක එක සාත්තර කාරයින්ගේ කීම් අහල එක එක අගමැති සිහින මවාගෙන ඉන්න හාල්පාරුවෝවන්ට දැනෙයි ඇත්තටම අගමැති විය යුත්තේ කවුද කියල. ඇත්තටම අගමැති විය යුත්තේ මහින්ද රාජපක්ෂ මැතිතුමායි. ඒ කාරණය කරන්න මෛත්‍රිපාල සිරිසේන මැතිතුමා ජනාධිපති කාලයේම එතුමා කැමැති කරවා ගැනීමේ කාර්යය තමයි අපි 16 දෙනාගෙ කණ්ඩායමේ පරමාර්ථය යැයි පැවසීය.