ශ්‍රී ලංකා මහ බැංකුවේ මූල්‍ය බුද්ධි ඒකකය විසින් 2021 තෙවන කාර්තුව තුළදී මූල්‍ය ආයතන වල අනුකූලතාව බලාත්මක කිරීම සඳහා පරිපාලනමය දණ්ඩන පනවා ඇති බව වාර්තාවේ.

2006 අංක 6 දරන මුදල් ගනුදෙනු වාර්තා කිරීමේ පනතේ 19 (1) සහ 19 (2) වගන්ති මගින් පැවරී ඇති බලතල ප්‍රකාරව , මහ බැංකුව මෙම මූල්‍යමය දණ්ඩනයක් පනවා ඇති බව වාර්තාවේ.

2021 ජූලි 01 සිට 2021 සැප්තැම්බර් 30 දක්වා කාලය තුළ මහ බැංකුව විසින් එකතු කර ගන්නා ලද සමස්ත දඩ මුදල රුපියල් මිලියන 2.0 කි. ඒ අනුව පීපල්ස් මර්චන්ට් ෆිනෑන්ස් පිඑල්සී සමාගමට 2021 ජූලි 6 දින රුපියල් මිලියනයක දණ්ඩනයක් පනවා තිබේ.

දණ්ඩනය පැනවීමට හේතුව ලෙස දක්වා ඇත්තේ එක්සත් ජාතීන්ගේ සම්බාධකවලට අදාළ පිරික්සුම් කිරීමේ ක්‍රියාපටිපාටිය සම්බන්ධයෙන්ග වන ගනුදෙනුකරුවන් පිළිබඳ නිසි උද්යෝගයෙන් ක්‍රියා කිරීමේ රීතිවලට අනුකූල නොවීම ලෙස දන්වා තිබේ.

එලෙසම අයිඩියල් ෆිනෑන්ස් ලිමිටඩ් ආයාතනයට 2021 ජූලි 12 දින රුපියල් ලක්ෂ පහක දණ්ඩනයක්ද සෙලාන් බෑන්ක් පී.එල්.සී බැංකුවට 2021 අගෝස්තු 12 දින රුපියල් ලක්ෂ පහක දණ්ඩනයක්ද ගනුදෙනුකරුවන් පිළිබඳ නිසි උද්යෝගයෙන් ක්‍රියා කිරීමේ රීතිවලට අනුකූල නොවීම හේතුවෙන් පනවා තිබේ.