ලැරී සී ජොන්සන් යනු CIA සංවිධානයේ  සහ ඇමෙරිකානු රාජ්‍ය දෙපාර්තමේන්තුවේ ත්‍රස්ත මර්දන කාර්යාංශයේ සිටින ප්‍රවීණයෙකි. ඔහු 1998 දී පිහිටුවන ලද “BERG Associates” නම් සංවිධානයේ  නිර්මාතෘවරයා මෙන්ම එහි කළමණාකාර  අංශයේ හවුල්කරුවෙකුද වේ. ලැරී වසර 24 ක් ඇමෙරිකා එක්සත් ජනපද හමුදාවේ “විශේෂ මෙහෙයුම් ” ඒකක වලට පුහුණුව ලබා දුන් නිලධාරියෙකි. ඔහුගේ මතවාද , දක්ෂිනාංශික දේශපාලන ධාරාවේ කණ්ඩායම් වලින් මෙන්ම  වාමාංශික දේශපාලන ධාරාවේ කණ්ඩායම් වලින් දැඩි විවේචනයට භාජනය කෙරුණි. ඔහුව එලෙස විවිචනයට භාජනය වීම මගින් තහවුරු වන්නේ ඔහු  ලෝකයේ සිදුවන දේශපාලන ආර්ථික චලනයන් වෙනස්ම ආකාරයකට දකින  බවයි. ඔහුගේ දේශපාලන විශ්ලේෂණ සහ පුරෝකතන ඔහු විසින් නඩත්තු කරනු ලබන ” නව ඇමරිකානු විප්ලවයේ පුත්‍රයාගේ බ්ලොග් අඩවිය (https://sonar21.com/ ) ” තුළ ප්‍රකාශයට පත් කර තිබේ. පහත පළවන්නේ ඔහුගේ බ්ලොග් අඩවියේ පළවූ ඔහු සමඟ කළ සම්මුඛ සාකච්ඡාවක සිංහල පරිවර්තනයයි.

 ප්‍රශ්නය- රුසියාව, යුක්‍රේනයේ දියත් කර ඇති යුද්ධය රුසියානුවන් නිෂ්චිතවම ජයග්‍රහණය කරන්නේ යැයි ඔබ පවසන්නේ කුමන පදනමකින් දැයි පැහැදිලි කළ හැකිද?

ලැරී සී. ජොන්සන්- , යුක්‍රේනයේ රුසියානු හමුදා මෙහෙයුමේ පළමු පැය 24 ඇතුළත, යුක්‍රේනියානු ගොඩබිම් රේඩාර් පද්ධතියේ “ අන්තර් නිරෝධන(intercept) “ හැකියාව සම්පූර්ණයෙන්ම විනාශ කිරීමට රුසියානු හමුදා සමත් වූවා. එම රේඩාර් පද්ධතිය නොමැතිව යුක්රේන ගුවන් හමුදාවට අහස් තලයේ  සිට  අහස්තලයට කරන බාධා කිරීමේ හැකියාව අහිමි වූවා . මේ වන විට   නිල වශයෙන් ජාත්‍යයන්තර සිවිල් ගුවන් සේවා සංවිධානය ප්‍රකාශයට පත් නොකළද රුසියානු හමුදා  , යුක්‍රේනයේ ගුවන් තලය හරහා  පියාසර තහනම් කලාපයක් ස්ථාපිත කිරීමට කටයුතු කර තිබෙනවා. එක්සත් ජනපදය සහ නේටෝව විසින් යුක්‍රේනයට ලබා දුන්  පොලොවේ සිට ගුවනට විදිය හැකි  මිසයිල වලට තවමත් රුසියානු ගුවන් හමුදාව ඇතුළු රුසියානු හමුදා අවදානමට ලක්ව ඇති බව ප්‍රචාරය කළද   රුසියාව හමුදාවට භූමියේ මෙහෙයුම් සහ ගුවන් මෙහෙයුම් සීමා කිරීමට සිදු වූ බවට කරණු ලබන ප්‍රකාශ වලට කිසිදු සාක්ෂියක් ඉදිරිපත් වී නැහැ.

ආක්‍රමණයෙන් දින තුනක් ඇතුළත කියෙව් නගරය ආසන්නයටම රුසියානු හමුදා  පැමිණීම  මම අවධානයට ලක් කළා. “බාබරෝසා මෙහෙයුමේ” දී නාසීන්ට කියෙව් නගරය වෙත ළඟා වීමට සති හතක් ගත වූ බවත් නගරය යටත් කර ගැනීමට තවත් සති 7ක් ගත වූ බවත් මම සැලකිල්ලට ගත්තා. සිවිල් වැසියන්ට සිදුවන අනතුරු වළක්වා ගැනීම සඳහා රුසියානු හමුදා කියෙව් නගරයට පහර නොදීමේ වාසිය නාසීන්ට තිබූ අතර තීරණාත්මක යටිතල පහසුකම් විනාශ කිරීමට රුසියානු හමුදා උනන්දු වූවා. එහෙත් බොහෝ ඊනියා ඇමරිකානු හමුදා විශේෂඥයින් කියා සිටියේ රුසියාව හිර වී ඇති බවයි.රුසියානු හමුදා සතියකට වැඩි කාලයක් කියෙව් නගරයට උතුරින්   සැතපුම් 24 ක දුරකින්   (හෝ 40 සැතපුම්, ප්‍රවෘත්ති මූලාශ්‍රය මත රඳා පවතී)  ස්ථානගත කළ බව තහවුරු වූවා. ඊට එරෙහිව සැලකිය යුතු මිලිටරි මෙහෙයුම් දියත් කිරීමට යුක්‍රේනයට ඇති හැකියාව විනාශ කර ඇති බව පැහැදිලියි. ඔවුන්ගේ කාලතුවක්කු විනාශ නොවී  පැවතියේ නම්, රුසියානු හමුදා රැඳි සිටින  තීරුව රුසියානු හමුදාවට දැවැන්ත විනාශයක් කිරීම සඳහා යුක්‍රේනයට පහසු තෝරා ගැනීමක්. නමුත් එහෙම සිදු වූවේ නැහැ. කාල තුවක්කු වලට විකල්පයක් ලෙස,යුක්‍රේන හමුදාවට අඩුම තරමින් යුද ගුවන් යානා හෝ හෙලිකොප්ටර් බළ ඝනයක් තිබුණේ නම් රුසියානු හමුදාව කියෙව් නගරය වටලා සිටින තීරුව විනාශ කිරීමට හැකියාව තිබුණා. නමුත් එසේ වූවේත් නැහැ.මීට විකල්පයක් ලෙස යුක්‍රේන හමුදාවට  කෲස් මිසයිල් හෝ තිබුණේ නම්  රුසියානු හමුදා රැඳී සිටින කියෙව් නගරයට ආසන්න  එම තීරුව මත “අපාය වැස්ස” වැස්ස විය හැකිව තිබුණා. නමුත් එසේ වූවේත් නැහැ. ඊට අමතරව අමෙරිකා එක්සත් ජනපදය යුක්‍රේන හමුදාවට ලබා දුන් අවි ආයුධ වලින්  සැලකිය යුතු ප්‍රතිරෝධයක් රුසියානු පාබල හමුදාවට එල්ල කළේත් නැහැ.

යුක්‍රේනයට එල්ල කළ රුසියානු ප්‍රහාරයේ පරිමාණය සහ විෂය පථය විශිෂ්ට තත්වයකයි පවතින්නේ. රුසියාව සති තුනක් ඇතුලත එක්සත් රාජධානියේ භූමි ප්‍රමාණයට වඩා විශාල භූමි ප්‍රදේශයක් ය්ක්‍රේනයෙන්  අල්ලා ගත්තා. ඉන්පසු ඔවුන් ප්‍රධාන නගර සහ හමුදා ස්ථාන වෙත ඉලක්කගත ප්‍රහාර එල්ල කිරීමට කටයුතු කළා. යුක්‍රේනයේ රෙජිමේන්තුවක් හෝ අඩුම තරමේ බ්‍රිගේඩ් ප්‍රමාණයේ ඒකකයක් වත් සංසන්දනාත්මකව රුසියානු ඒකකයකට පහර දී පරාජය කළ එක් අවස්ථාවක්වත් අපි දැක නැහැ. ඒ වෙනුවට රුසියානුවන් යුක්රේන හමුදාව කැබලිවලට බෙදා ඔවුන්ගේ සන්නිවේදන මාර්ග කපා දැමීමට කටයුතු කර තිබෙනවා. රුසියානුවන් මරියුපෝල්හි ඔවුන්ගේ පාලනය තහවුරු කරමින් කළු මුහුදේ සියලු ප්‍රවේශයන් සුරක්ෂිත කර තිබෙනවා . දැන්    යුක්‍රේනය දකුණ  සහ උතුර  වශයෙන් වෙන්කර තිබෙනවා.

2003 වර්ෂයේ දී ඇමෙරිකා එක්සත් ජනපද හමුදාවට ඉරාකයේ මෙවැනි විශාල භූමි ප්‍රමාණයක් අත්පත් කර ගැනීමට රුසියානු හමුදා මුහුණ දෙනවාට වඩා දුෂ්කර කාලයක් ගත කරන්නට සිදූ බව බව මම සිහිපත් කිරීමට කැමතියි. ඉරාක හමුදාව ය්ක්‍රේන හමුදාවට වඩා නුපුහුණු පහසුකම් වලින් අඩු හමුදාවක් බව මම අවධාරණය කරනවා. මවිසින් අවධාරණය කළ යුතුම දෙය නම්, රුසියාව විසින් යුක්‍රේනය ආක්‍රමනය කිරීම අමෙරිකා එක්සත් ජනපදයේ මිලිටරි සහ දේශපාලන නායකයින් බිය ගැන්වීමට තරම් ප්‍රභල වී තිබෙන බවයි.

ඇත්ත වශයෙන්ම රුසියාව යුක්‍රේනය ආක්‍රමනය කිරීමෙන් පසුව පැමිණි වැදගත්ම ප්‍රවෘත්තිය වූයේ යුක්‍රේනයේ ‍Yavoriv සහ Zhytomyr ප්‍රදේශ ආශ්‍රිතව සත්‍යය වශයෙන්ම තිබුණු නේටෝ කඳවුරු මොනවාද යන්න රුසියානු මිසයිල ප්‍රහාර සමඟින් ලෝකයට අනාවරණය වීමයි . 2018 සැප්තැම්බර් මාසයේදී නේටෝව Zhytomyr හිදී සයිබර් ආරක්ෂණ පුහුණු වැඩමුළුවක් පැවැත්වූ අතර එම වැඩමුළුවේදී යුක්‍රේනය “නේටෝ හවුල්කරුවෙකු” ලෙස හඳුන්වා දුන්නේය. කෙසේ වුවද Zhytomyr කඳවුර පසුගියදා රුසියානු හයිපර්සොනික් මිසයිල මගින් විනාශ කර දැමීමට රුසියානු හමුදා සමත් වුනා. එමෙන්ම යවෝරිව් යුද කඳවුරට ද එවැනිම ඉරණමක් අත්වුනා. එම කඳවුර යුක්‍රේනයට ප්‍රහාරක යානා සහ ආයුධ සැපයීම සඳහා NATO සහ EUCOM භාවිතා කළ ප්‍රාථමික පුහුණු සහ සැපයුම් මධ්‍යස්ථානයි. එම කඳවුරේ සිටි හමුදා සහ සිවිල් වැසියන් විශාල පිරිසක් තුවාල ලැබුවා.

නේටෝ සංවිධානය විසින් 2015 සිට නිතිපතා භාවිතා කරන කඳවුරුවලට රුසියාව විසින් පහර දී විනාශ කර දැමුවා පමණක් නොව,එම ප්‍රහාර සම්බන්ධයෙන් ගුවන් ප්‍රහාර අනතුරු ඇඟවීමක්වත් සිදු නොවුණු අතර ප්‍රහාරක මිසයිල වනසා දැමීමක් හෝ සිදු කිරීමට යුක්‍රේනය අසමත් වූවා.

ප්‍රශ්නය – රුසියාවට එරෙහි යුද්ධයේදී යුක්‍රේන ජනතාවට ජයගත හැකි බවට විදෙස් මාධ්‍යය මෙන්ම එරට මාධ්‍ය යුක්‍රේන් ජනයාට ඒත්තු ගැන්වීමට උත්සාහ කරන්නේ ඇයි? ඔබ කියන දේ නිවැරදි නම්, රුසියානු හමුදාවට එරෙහිව සටන් කිරීමට යවන සියලුම යුක්‍රේන් සිවිල් වැසියන් ඔවුන්ට ජයගත නොහැකි යුද්ධයකින් මිය යාමට නියමිතයි. මෙතරම් බරපතල දෙයක් සම්බන්ධයෙන් මිනිසුන් නොමඟ යැවීමට මාධ්‍යවලට අවශ්‍ය වන්නේ මන්දැයි අපට වැටහෙන්නේ නැහැ. මෙම කාරණය සම්බන්ධයෙන් ඔබේ අදහස් මොනවාද?

ලැරී සී. ජොන්සන්-  මෙය නොදැනුවත්කම සහ කම්මැලිකම යන ප්‍රපංචයන්හි එකතුවක්. සැබෑ වාර්තාකරණයට වඩා, අති බහුතර මාධ්‍යය (මුද්‍රිත හා විද්‍යුත්) මෙන්ම ප්‍රචාරක ආයතන දැවැන්ත ප්‍රචාරක ව්‍යාපාරයකට සහාය දක්වමින් සිටිනවා. මට මතකයි ජෝර්ජ් බුෂ් හිට්ලර් වෙලා හිටපු වකවානුව. මට මතකයි ඩොනල්ඩ් ට්‍රම්ප් හිට්ලර් වෙලා හිටපු වකවානුව . දැන් අපිට අලුත් හිට්ලර් කෙනෙක් ඉන්නවා,ඒ ව්ලැදිමීර් පුටින්. ඇත්ත වශයෙන්ම මෙය වෙහෙසකර, අසාර්ථක ක්‍රීඩා ග්‍රන්ථයක්. නීත්‍යානුකූල ප්‍රශ්න මතු කිරීමට නිර්භීත වෙන ඕනෑම අයෙක් වහාම පුටින්ගේ රූකඩයක් හෝ රුසියාවේ අතකොළුවක් ලෙස නම් කර පහර ගසනවා. කෙනෙකුට ඉදිරිපත් වන කරුණු සම්බන්ධයෙන් තර්ක කළ නොහැකි වන විට ඔහුට හෝ ඇයට ඉතිරි වන එකම  පිළියම විවිධ මුද්‍රා තැබීම පමණයි.

ප්‍රශ්නය – පසුගිය දිනක කර්නල් ඩග්ලස් මැක්ග්‍රෙගර් මහතා ටකර් කාල්සන් ප්‍රදර්ශනයේ ආරාධිතයෙක් වූවා.රුසියානු- යුක්‍රේන යුද්ධය පිළිබඳ ඔහු දක්වන අදහස් ඔබේ අදහස්වලට බෙහෙවින් සමානයි. සම්මුඛ සාකච්ඡාවේදී ඔහු පැවසූවේ,

“යුක්‍රේනියානුවන් සඳහා නිර්මාණය කළ යුද්ධය ඇත්තෙන්ම අවසන්. එම අරමුණු සුනු විසුනු කර දමා අවසන්. අපගේ ප්‍රධාන ධාරාවේ මාධ්‍යවලින් ඒ සම්බන්ධයෙන්වූ කරුණු අපට ඇසුණත් ඒ පිළිබඳ අපට ප්‍රශ්නයක් නැහැ. ඉතින්, මේ අවස්ථාවේදී අපට ඇති සැබෑ ප්‍රශ්නය නම්, අපි රුසියානු ජනතාව සහ ඔවුන්ගේ රජය සමඟ කටයුතු කිරීමට සූදානම්ද නැතහොත් “යුක්‍රේන යුද්ධයක්” ලෙස සැරසී රුසියානු පාලන තන්ත්‍රයේ වෙනසක් කිරීමට දිගටම උත්සහා කරගෙන යනවාද? යන්නයි.අපි යුක්‍රේනය මොස්කව්  පාලනයට එරෙහිව පැරණි යුද්ධ වලදි ප්‍රාකාර බිඳීමට ගන්නා “battering ram” යක් ලෙස භාවිතා කිරීම නවත්වන්නෙමුද? දැන්ටමත් ය්ක්‍රේනය රුසියාවට එරෙහිව “battering ram”” යක් ලෙස ඵලදායී ලෙස අප භාවිත කර තිබෙනවා.”(Tucker Carlson- MacGregor සම්මුඛ සාකච්ඡාව)

යුක්‍රේනය රුසියාව සමඟ යුද්ධයකට ඇද දැමීමේ සැබෑ අරමුන රුසියාවේ “රෙජීම් වෙනසක්” බව චෝදනා කරන මැක්ග්‍රෙගර් සමඟ ඔබ එකඟද?

දෙවැන්න, රුසියාවට එරෙහිව නියෝජිත ( ප්‍රොක්සි )-යුද්ධයක් දියත් කිරීමට එක්සත් ජනපදයේ වේදිකාවක් ලෙස යුක්‍රේනය යොදා ගන්නා බවට ඔහු කරන චෝදනාවට ඔබ එකඟද?

ලැරී සී. ජොන්සන්– ඩග්ලස් මැක්ග්‍රෙගර් මහතා විශිෂ්ට විශ්ලේෂකයෙක්, නමුත් මම ඔහු සමඟ එකඟ වන්නේ නැහැ. ඔහු හෙළිදරව් කරන උපායමාර්ගික කොන්දේසි අනුව සිතීමට සහ සැලසුම් කිරීමට තරම් දක්ෂ කිසිවෙකු බයිඩන් පරිපාලනයේ ඇතැයි මම සිතන්නේ නැහැ. මගේ දැක්මට අනුව පසුගිය වසර 7 නේටෝවේ අකර්මකතාවයේ යථා තත්වය විද්‍යාමාන වූවා. මම එයින් අදහස් කරන්නේ, නේටෝව සහ වොෂින්ටනය, ප්‍රතික්‍රියාවක් අවුලුවාලීමකින් තොරව රුසියාවේ දේශසීමාවේ නැගෙනහිර දෙසට රිංගා යා හැකි බව විශ්වාස කළ බවයි. NATO සහ EUCOM නිතිපතා අභ්‍යාස සිදු කරනු ලැබුවා. “ප්‍රහාරාත්මක” පුහුණුව ලබා දීම – සහ සැපයුම් උපකරණ ලබා දීමත් කරනු ලැබුවා. ඩොන්බාස් හි ක්‍රියාත්මක යුක්‍රේන ඒකකවලට CIA සංවිධානයේ පැරා මිලිටරි පුහුණුව ලබා දෙන බවට තිබෙන එක්සත් ජනපදයේ වාර්තා විශ්වාසදායක යැයි මම විශ්වාස කරනවා. නමුත් ඉරාකයේ සහ ඇෆ්ගනිස්ථානයේ අපගේ පරාජයෙන් පසුව, අපට හදිසියේම වොෂින්ටනයේ නූල් අදින Sun Tzu මට්ටමේ උපායමාර්ගිකයින් සිටින බව විශ්වාස කිරීම මට අපහසුයි.

මේ වන විට වොෂින්ටනයේ බලාපොරොත්තු සුන්වීමේ වාතාවරණයක් පවතිනවා. රුසියානු නිෂ්පාදන සියල්ල තහනම් කිරීමට උත්සාහ කිරීමට අමතරව, බයිඩන් පරිපාලනය චීනය, ඉන්දියාව සහ සෞදි අරාබිය යන රටවල් ගොනාට ඇන්දවීමට උත්සාහ කරනවා. ඒ රටවල් එකක්වත් වොෂිංටනය සමඟ එක පෙළට හිටගන්නා බවක් මම දකින්නේ නැහැ. මම විශ්වාස කරන්නේ බයිඩන් පරිපාලනය රුසියාවේ සියලු නිෂ්පාදන සහ සියලුම රුසියානු මිනිසුන් යක්ෂයා ලෙස පෙන්වීමට උත්සාහ කළ බවයි. මෙම උත්සාහය මගින් බයිඩන් පාලනය මාරාන්තික වැරැද්දක් කළා. රුසියාවට එරෙහිව යමක් සැලසුම් කළහොත් රුසියානු ජනතාව පුටින් සමඟ අත්වැල් බැඳ ගන්නා අතර රුසියානු ජනයා දිගු අරගලයකට අවශ්‍යය අගල් හාරන්නට සූදානම් බව මම අවධාරණය කරනවා.

රුසියාවට එරෙහි ආර්ථික සම්බාධක පැනවීම මගින් ඔවුන් දණ ගැස්විය හැකි යැයි සිතීමේ වැරදි ගණනය කිරීම් පිළිබඳව දැනගත් විට මම කම්පනයට පත් වුනා. නමුත් එම ගණනයටප්‍රතිවිරුද්ධ දෙය සත්‍යයක් බව කිව යුතුයි. රුසියාව ස්වයංපෝෂිත රටක් වන අතර රුසියාව ආනයන මත රඳා පවතින්නේ නැහැ. රුසියාවේ අපනයන බටහිර රටවල ආර්ථික යහපැවැත්ම සඳහා ඉතා වැදගත් වෙනවා. රුසියාව තම නිෂ්පාදන වන තිරිඟු, පොටෑෂ්, ගෑස්, තෙල්, පැලේඩියම්, නිකල් සහ අනෙකුත් ප්‍රධාන ඛනිජ ද්‍රව්‍ය රඳවා තබා ගන්නේ නම්, යුරෝපීය සහ එක්සත් ජනපද ආර්ථිකයන් ගල් යුගයට තල්ලු වීම නැවැත්විය නොහැකියි. සම්බාධක පනවා රුසියාව දණ ගැස්වීමට ගන්නා මෙම උත්සාහය ජාත්‍යන්තර සංචිත මුදල් ඒකකය ලෙස භාවිතා කරණ එක්සත් ජනපද ඩොලරයේ භූමිකාව ඉතිහාසයේ කුණු කූඩය තුළ වැජඹිමට බොහෝ දුරට ඉඩ තිබෙන බව මම අවධාරණය කරනවා.

ප්‍රශ්නය – රුසියානු ජනාධිපති ව්ලැදිමිර් පුටින් 2007 දී මියුනිච් නගරයේදි ඔහුගේ සුප්‍රසිද්ධ දේශනය කළ දා සිට, “ගෝලීය ආරක්ෂාවේ ගෘහ නිර්මාණ ශිල්පය” ගැන පැමිණිලි ඉදිරිපත් කළා. යුක්රේනයේදී අපට මෙම කරදරකාරී ආරක්ෂක ගැටළු පූර්ණ යුද්ධයක් දක්වා වර්ධනය වූවේ කෙසේදැයි පෙන්නුම් කළා. ඔබ දන්නා පරිදි, දෙසැම්බර් මාසයේදී පුටින් රුසියානු ආරක්ෂාවට අදාළ ඉල්ලීම් ගණනාවක් ඉදිරිපත් කළ නමුත් බයිඩන් පරිපාලනය ඒවාට ප්‍රතිචාර දැක්වූයේ නැහැ. නේටෝ ව්‍යාපෘතියට යුක්රේනය (සාමාජිකත්වය) ඇතුළත් නොවන බවට සහ න්‍යෂ්ටික මිසයිල පද්ධති රුමේනියාවට හෝ පෝලන්තයට නොයවන බවට ලිඛිත සහතිකයක් පුටින්ට අවශ්‍ය වුනා. පුටින්ගේ ඉල්ලීම් අසාධාරණ යැයි ඔබ සිතනවාද?

ලැරී සී. ජොන්සන්-මම හිතන්නේ පුටින්ගේ ඉල්ලීම් තරමක් සාධාරණයි. ගැටලුව වන්නේ නේටෝව සහ එක්සත් ජනපදය පසුගිය වසර 7 තුළ සිදු කර ඇති ආකාරයේ මිලිටරි ප්‍රකෝපකරනයක් ගැන ඇමරිකානුවන්ගෙන් 99% ට අදහසක් නොමැති වීමයි. එක්සත් ජනපදය, මිලිටරි අභ්‍යාස “ආරක්ෂාකාරී” බව අමෙරිකානු මහජනතාවට නිතරම ප්‍රකාශ කළා. සරලවම කිවහොත් ඒවා සත්‍යය ප්‍රකාශ නොවෙයි. “DTRA (ආරක්ෂක තර්ජන අවම කිරීමේ අමෙරිකානු නියෝජිතායතනය)” යුක්රේනයේ ජෛව රසායනාගාර සඳහා අරමුදල් සපයන බවට දැන් අපට තොරතුරු තිබෙනවා.

කියුබාව, වෙනිසියුලාව සහ මෙක්සිකෝවේ රුසියානු ආරක්ෂණ පද්ධති ස්ථාපිත කිරීමට බයිඩන් එකඟ වන්නේ නම්, පෝලන්තයේ සහ රුමේනියාවේ එක්සත් ජනපද න්‍යෂ්ටික මිසයිල පද්ධතිවලට ඉඩ දීමට පුටින්ට එකඟ විය හැකි යැයි මම අනුමාන කරනවා. අපි ප්‍රශ්නය දෙස එම කෝණ්යෙන් බලන විට පුටින්ගේ ඉල්ලීම් පිස්සු හෝ අසාධාරණ නොවන බව අපට තේරුම් ගත හැකියි.

ප්‍රශ්නය- රුසියානු මාධ්‍ය වාර්තා කර සිටියේ රුසියානු “ඉහළ නිරවද්‍යතාවයෙන් යුත්, ගුවනින් දියත් කරන ලද” මිසයිල බටහිර යුක්රේනයේ ස්ථාපිත කරතිබූ යුද පහසුකම් සපයන මධ්‍යයස්ථානයකට පහර දී”දේශීය භටයන් සහ විදේශීය කුලී හේවායන් 100 කට වැඩි පිරිසක්” මරා දැමූ බවයි. පෙනෙන විදිහට,විනාශ වූ විශේෂ මෙහෙයුම් පුහුණු මධ්‍යස්ථානය පිහිටා තිබුණේ පෝලන්ත දේශසීමාවේ සිට සැතපුම් 15ක් දුරින් ඔව්රුච් නගරය ආසන්නයේයි. මෙම සිද්ධිය ගැන ඔබට කුමක් කිව හැකිද? රුසියාව නේටෝවට යම් කිසි පණිවිඩයක් යැවීමට උත්සාහ කළාද?

ලැරී සී. ජොන්සන්-මගේ කෙටි පිළිතුර – ඔව්! . රුසියානු යුක්‍රේන යුද්ධය ආරම්භ වීමෙන් පසුව ගත වූ කාලය තුළ බටහිර යුක්‍රේනයේ රුසියානු හමුදා ප්‍රහාර විසින් නේටෝ නිලධාරීන් කම්පනයට මෙන්ම තැති ගැන්වීමට ලක් කළා. මේ ආකාරයේ පළමු රුසියානු ප්‍රහාරය එල්ල වූයේ මාර්තු 13 ඉරිදා යුක්රේනයේ යාවෝරිව්හිදී ය. රුසියාව මිසයිල කිහිපයකින් කඳවුරට පහර දුන් අතර සමහර ඒවා හයිපර්සොනික් මිසයිල් බව වාර්තා වූවා. ඇමරිකානු සහ බ්‍රිතාන්‍ය හමුදා සහ බුද්ධි අංශ සාමාජිකයින් 200 කට අධික පිරිසක් මෙම රුසියානු ප්‍රහාරයෙන් මිය ගොස් තවත් සිය ගණනක් තුවාල ලැබුවා. බොහෝ අමෙරිකානු සහ බ්‍රිතාන්‍යය හමුදා සාමාජිකයින් අත් පා අහිමි වීම් වැනි දරුණු තුවාල වලට ගොදුරු වී රෝහල් ගතව සිටිනවා. එහෙත්, නේටෝව සහ බටහිර මාධ්‍ය මෙම ව්‍යසනය වාර්තා කිරීමට එතරම් උනන්දුවක් දැක්වූයේ නැහැ.

යාවෝරිව් ප්‍රදේශය නේටෝ සංවිධානය සඳහා ඉතා වැදගත් පදනමක් සහිත හමුදා කඳවුරු තිබෙන ප්‍රදේශයක්. 2022 පෙබරවාරි මාසයේ  රුසියානු යුක්‍රේන යුද්ධය ආරම්භ වන කාලය දක්වා , එක්සත් ජනපද 7 වන හමුදා පුහුණු විධානය (පෙබරවාරි මැද භාගය වන විට) යාවෝරිව් සිට ක්‍රියාත්මක වූවා. රුසියාවේ ප්‍රහාර යාවෝරිව් ප්‍රදේශයෙන් නතර වූයේ නැහැ. ASB  ප්‍රවෘත්ති සේවය වාර්තා කරන්නේ රුසියාව යාවෝරිව් සිට සැතපුම් 60ක් ගිනිකොන දෙසින් පිහිටි Delyatyn නම් තවත් යුද හමුදා කඳවුරකට පහර දුන් බවයි. එහැනින් නොනැවති නේටෝව රැඳී සිටි තවත් ප්‍රදේශයක් වන සයිටොමිර් වෙතද රුසියාව පහර දුන්නා. පුටින් ඉතා පැහැදිලි පණිවිඩයක් නේටොවට ලබා දුන්නා. එම පණිවිඩය නම් “යුක්රේනය නේටෝ හමුදා සටන්කරුවන් ලෙස සලකනු ලැබේ” යන්නයි.

ප්‍රශ්නය – යුක්‍රේන ජනාධිපති වොල්දිමිර් සෙලෙන්ස්කි බටහිර මාධ්‍ය තුළ “යුද කාලීන නායකයෙකු” සහ නූතන “වින්ස්ටන් චර්චිල්” ලෙස නම් කර සිංහයෙකුට උපමා කිරීමට කටයුතු කර ඇත. ජන මාධ්‍යය සිය පාඨකයන්ට පැවසීමට අපොහොසත් වන කාරණය නම් යුක්‍රේනයේ ප්‍රජාතන්ත්‍රවාදය පවත්වා ගැනීමට අත්‍යවශ්‍ය ඉතා සංවේදී ප්‍රජාතන්ත්‍රවාදී ආයතනවලට හානි පමුණුවමින් බලයේ ග්‍රහණය ශක්තිමත් කර ගැනීමට සෙලෙන්ස්කි පියවර ගණනාවක් ගෙන ඇති බවයි. නිදසුනක් ලෙස, සෙලෙන්ස්කි “විපක්ෂයට අයත් ප්‍රවෘත්ති ආයාතන එකොළහක්” තහනම් කර තිබෙනවා. එපමනක් නොවෙයි යුක්රේනයේ විශාලතම විරුද්ධ පක්ෂයේ ප්‍රධානියා වන වික්ටර් මෙඩ්වෙඩ්චුක් ව්‍යාජ “ත්‍රස්තවාදී මූල්‍යකරණ” චෝදනාවක් මත බන්ධනාගාරගත කර පක්ෂ නිලවරණයට තරඟ කිරීම තහනම් කිරීමට උත්සාහ කර තිබෙනවා. මෙම හැසිරීම් ප්‍රජාතන්ත්‍රවාදය වෙනුවෙන් බරපතළ ලෙස කැප වූ නායකයකුගේ හැසිරීම් නොවේ. සෙලෙන්ස්කි සම්බන්ධ ඔබේ අදහස කුමක්ද? සත්‍යය වශයෙන්ම මාධ්‍ය විසින් හුවා දක්වන යුක්‍රේනයේ “දේශප්‍රේමී නායකයා” සෙලෙන්ස්කි ද?

ලැරී සී. ජොන්සන්-සෙලෙන්ස්කි යනු විකට නළුවෙක්. මගේ මතය අනුව රටක නායකයෙකු වීමට විකට නළුවා යන නාමකරණය එතරම් හොඳ එකක් නොවෙයි.බටහිරයන් විසින් නරුම ලෙස ඔහුගේ යුදෙව් සම්භවය යුක්‍රේනයේ නැගී එන නව-නාසිවරුන්ගේ කණ්ඩායමෙන් වෙනස් කොට පෙන්වීමට භාවිතා කරනවා. (මෙයින් මා අදහස් කරන්නේ දෙවන ලෝක යුද්ධයේදී නාසීන් සමඟ එක්ව සටන් කරන අතරතුර යුක්‍රේන වොෆන් එස්එස් ඒකකයේ ජයග්‍රහණ තවමත් සමරන සැබෑ නාසීන් සම්බන්ධවයි. )  කරුණු පැහැදිලියි! ඔහු විරුද්ධ දේශපාලන පක්ෂ තහනම් කරන ගමන්  විපක්ෂ මාධ්‍ය වසා දමනවා. යුකේන “ප්‍රජාතන්ත්‍රවාදය” යන්නෙහි නව නිර්වචනය එය යැයි මම අනුමාන කරනවා.

ප්‍රශ්නය – යුක්‍රේන යුද්ධය අවසන් වන්නේ කෙසේද? “යුක්රේන යුද්ධයේ භූගෝලීය අවසාන තත්වය කුමක් වනු ඇත්ද?” යන මාතෘකාව යටතේ “මූන් ඔෆ් ඇලබාමා” වෙබ් අඩවියේ විශිෂ්ට ලිපියක් ලියා තිබෙන්වා. ලිපියේ කතුවරයා වන බර්නාඩ් සිතන්නේ, අවසානයේ යුක්රේනය ඩිනිපර් ගඟ දිගේ “සහ දකුණින් බහු වාර්ගික රුසියානු ජනගහනයක් සිටින වෙරළ දිගේ” යුක්‍රේනය දෙකට බෙදනු ඇති බවයි. ඔහු තම සටහනේ මෙසේද අවධාරණය කරයි.

“මෙය කළු මුහුදට තිබෙන යුක්රේනියානු ප්‍රවේශය ඉවත් කර රුසියානු ආරක්ෂාව යටතේ සිදු වූ යුක්‍රේනයෙන් මෝල්ඩේවියානු වෙන්ව යාම විසින් ට්‍රාන්ස්නිස්ට්‍රියාව දෙසට ගොඩබිම් පාලමක් නිර්මාණය කරනු ඇත. යුක්රේනයේ ඉතිරි ප්‍රදේශය සීමා සහිත, බොහෝ දුරට කෘෂිකාර්මික රාජ්‍යයක්, නිරායුධ හා දුප්පත් රටක් වනු ඇත. නමුත් ඔවුන්ට ඉක්මනින්ම රුසියාවට නව තර්ජනයක් දක්වා ගොඩ නැගීමට නොහැකි වනු ඇත. දේශපාලනිකව ගැටුමෙන් පසුව බිහිවෙන නව යුක්‍රේනය ගලීසියාවේ ෆැසිස්ට්වාදීන් විසින් ආධිපත්‍යය දරනු ඇති අතර නව යුක්‍රේනය පසුව යුරෝපා සංගමයට විශාල ගැටලුවක් වනු ඇත.

ඔබ සිතන්නේ කුමක් ද? රුසියානු ආරක්ෂාව ශක්තිමත් කිරීම සහ සතුරුකම් අවසන් කිරීම සඳහා පුටින් යුක්‍රේනය මත ඔහුටම අනන්‍යය වන භෞමික ජනාවාස පිහිටවනු ඇත්ද නැතහොත් වෙනත් තත්වයන් නිර්මානය වනු ඇතිද?

ලැරී සී. ජොන්සන්-මම මූන් සමග සම්පූර්ණයෙන්ම එකඟයි. පුටින්ගේ මූලික පරමාර්ථය වන්නේ රුසියාව විදේශ තර්ජනවලින් ආරක්ෂා කර බටහිර රටවල් වලින් වෙන් වී කටයුතු කිරීමයි. ස්වාධීන ස්වෛරී රාජ්‍යයක් වීමට අවශ්‍ය භෞතික සම්පත් රුසියාව සතුව තිබෙනවා. එම දැක්ම සැබෑ කර ගැනීමේ ක්‍රියාවලියක ඔහු නිරතව සිටිනවා.

පරිවර්තනය :

ශ්‍රී ලංකාවේ බොලිවේරියානු සහයෝගිතාවයේ,

ලේකම්,

ජීවන්ත ජයතිස්ස