ජීවිතාන්තය දක්වා සිරදඩුවම් නියම වී සිටින කිළිනොච්චියේ එල්.ටී.ටී.ඊ. සාමාජික ආනන්දන් සුදාකරන්ව මානුෂීය හේතූන් මත නිදහස් කිරීමට පියවර ගන්න ලෙස උතුරු පළාත් ප්රධාන අමාත්‍ය සී.වී.විග්නේස්වරන් මහතා පසුගිය 18වනදා ජනාධිපති මෛත්‍රීපාල සිරිසේන මහතාගෙන් ඉල්ලීමක් කොට තිබේ.
ජනාධිපතිවරයා කිළිනොච්චියට පැමිණි අවස්ථාවේදී ප්රධාන අමාත්‍යවරයා ජනාධිපතිවරයාට මතක් කොට ඇත්තේ ආනන්දන් සුදාකරන්ව නිදහස් කිරීම සම්බන්ධයෙන් අත්සන් ලක්ෂයක් සමග තමන් ජනාධිපතිවරයාට යවන ලද ලිපිය සම්බන්ධයෙනි.
ආනන්දන් සුදාකරන් එල්.ටී.ටී.ඊ. සාමාජිකයෙකුව සිටි අවධියේදී කොළඹ බෝම්බ තැබීමේ සිද්ධියක් සම්බන්ධයෙන් වූ නඩු විභාගයකදී ඔහුට ජීවිතාන්තය දක්වාම සිරදඩුවම් නියම විණි.
ආනන්දන් සුදාකරන් බන්ධනාගාර ගතවී සිටින අවස්ථාවේදී ඔහුගේ බිරිද පිළිකාවක් වැළදී මරුමුවට පත් වූ අතර ඇයගේ ආදාහනයට බන්ධනාගාරයේ සිට සුදාකරන්ව කිළිනොච්චියට රැගෙන එන ලද අවස්ථාවේදී කුඩා දියණිය හඩා වැළපෙමින් පියා සමග තමන්ටත් යාමට අවශ්‍ය බව කියමින් බන්ධනාගාර බස් රථයට නැගීම නිසා මහත් සංවේදී තත්ත්වයක් ඒ අවස්ථාවේදී ඇති විය.
දරුවන් දෙදෙනාට මවත් පියාත් යන දෙදෙනාම නොමැති නිසා කිළිනොච්චියේ ස්වේච්ඡා සංවිධාන එක් වී අත්සන් ලක්ෂයක පෙත්සමක් අත්සන් කරමින් සුදාකරන්ට නිදහස ඉල්ලා සිටියහ.
එම පෙත්සම උතුරු පළාත් ආණ්ඩුකාරවරයා හරහාද ප්රධාන අමාත්‍යවරයා හරහාද ජනාධිපතිවරයා වෙත යවන ලද අතර ප්රධාන අමාත්‍යවරයා ජනාධිපතිවරයාගෙන් කිළිනොච්චියේදී විමසා ඇත්තේ එම පෙත්සම පිළිබදවය.
ජනාධිපතිවරයා මේ අවස්ථාවේදී එම ඉල්ලීම සම්බන්ධයෙන් ඉතාම ඉක්මනින් කටයුතු කිරීමට ප්රධාන අමාත්‍යවරයාට එකග වූ බව ප්රධාන අමාත්‍ය කාර්යාලය පසුගිය 19 වන දා උතුරේ මාධ්‍ය ආයතන වලට පවසා තිබුණි.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...