අස්ගිරි අනුනායක හිමියන් විසින් ගෝටාභය රාජපක්‍ෂ ආරක්‍ෂක ලේකම් ගෝටාභය රාජපක්‍ෂ මහතාගේ නිවසේදී කරන ලද ධර්මානුශාසනාවක සදහන් වූ ‘හිට්ලර්.. මිලිටරි පාලනය’ යන යෙදුම් සම්බන්දයෙන් බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියෝ අදහස් පල කරති.

හිරු රූපවාහිනියේ පැවති ‘සලකුණ’ කාලීන සංවාදයට එක්වෙමින් උන් වහන්සේ කියා සිටියේ අස්ගිරි අනුනාහිමියන්ගේ දේශනාව කාලෝචිච බවත් වරදක් නොමැති බවත්ය.

‘මේ ධර්මය ප‍්‍රඥාවන්තයන්ට මිසක දුෂ්ප‍්‍රාඥයින්ට නොවේ’ යයි බුදු රජානන් වහන්සේ දේශනා කර ඇති බව පැවසු ඥාණසාර හිමියෝ එය තේරුම් ගත යුත්තේ ඒ අර්ථයෙන් බවද සදහන් කලහ.

අනුනාහිමියන්ගේ ප‍්‍රකාශය සම්බන්ධයෙන් හිටපු ආරක්‍ෂක ලේකම් ගෝටාභය රාජපක්‍ෂ මහතාද ඊයේ දිනයේ පොලිස් මුල්‍ය අපරාධ කොට්ඨාශය ඉදිරියේදී ප‍්‍රකාශ කරන ලද්දේ මේ හා සමානම අදහසකි.