යුක්‍රේනයේ  Donetsk, Lugansk, Kherson සහ Zaporozhye  යන ප්‍රදේශ වල ජීවත් වන්නන්ගේ  නිදහස් කැමැත්ත හඳුනා ගැනීමට පැවැත්වූ ජනමත විචාරණයේ ප්‍රතිඵල ලැබීමෙන් පසු රුසියානු ජනතාව අමතමින් ජනාධිපති ව්ලැඩිමීර් පුටින් මොස්කව්හිදී පසුගිය සැප්තැම්බර් 30 වනදා පවසා සිටියේ, “රුසියාව එහි ඉතිහාසය හා සංස්කෘතිය භුක්ති විඳිමින් ආරක්ෂා කරගන්න ජනතාව වැලඳගෙන සෝවියට් සංගමය බිඳ වැටීම විසින් නිර්මාණය කරන ලද සමහර අසාධාරණයන් පිළිසකර කර තිබෙනවා.”  යනුවෙනි.

“යටත්විජිත” බටහිරට ආධිපත්‍යය සඳහා ඇති තන්හාව මත මුළු ලෝකයේම ආධිපත්‍යය පැතිරවීමේ අවශ්‍යයතාවය මුල් කරගනිමින් යුක්රේනය තම දේශසීමා තුළ රුසියානු භාෂාව කතා කරන්නන් ඉලක්ක කරමින් ප්‍රචන්ඩත්වය මුදා හැරි බවද රුසියානු ජනාධිපතිවරයා අවධාරණය කළේය.

රුසියානු ජනාධිපතිවරයා සිය දීර්ඝ දේශනය අවසන් කරමින්..

සැබෑ දේශප්‍රේමියෙකු වන අයිවන් ඉලින්ගේ වචන වලින් මම මගේ දේශනය අවසන් කරමි : “මම රුසියාව මගේ මාතෘ භූමිය ලෙස සලකන්නේ නම්, එයින් අදහස් කරන්නේ මම රුසියානු ජාතිකයෙකු ලෙස රුසියාවට ආදරය කරන බවත්, මගේ සමස්ත චින්තනය මෙන්ම ගීත ගායනය හැසිරීම පවා රුසියානු ජාතිකයෙකු ලෙස කටයුතු කිරීම බවත් ය; මම රුසියානු ජනතාවගේ අධ්‍යාත්මික ශක්තිය විශ්වාස කරමි. එහි ආත්මය මාගේ ආත්මය යි; එහි ඉරණම මගේ ඉරණමයි; එහි බිඳ වැටීම මාගේ දුකයි; එහි සමෘද්ධිය මගේ සතුටයි.”

අයිවන් ඉලින්ගේ මෙම වචන පිටුපසින් දැවැන්ත අධ්‍යාත්මික තේරීමක් පවතින අතර, අපගේ මුතුන් මිත්තන්ගේ පරම්පරා ගණනාවක් විසින් අනුගමනය කරන ලද වසර දහසකට වැඩි රුසියානු රාජ්‍යත්වය මත හිඳ ගෙනයි අද අපි මේ තේරීම කරන්නේ; Donetsk සහ Lugansk මහජන සමූහාණ්ඩුවේ පුරවැසියන් සහ Kherson සහ Zaporozhye  ප්‍රදේශවල පදිංචිකරුවන් අප ඉහත මතු කළ තේරීම කර ඇත. ඔවුන් තෝරා ගත්තේ තම ජනතාව සමඟ සිටීමට, තම මාතෘ භූමිය සමඟ සිටීමට, එහි ඉරණමෙහි හවුල් වීමට සහ එය සමඟ එක්ව ජයග්‍රහණය කිරීමටයි.

සත්‍යය අප සමඟ ය, අපට සමාන්තරව රුසියාව ය!