ජන හා සංඛ්‍යා ලේඛන දෙපාර්තමේන්තුවේ දත්ත වාර්තා පෙන්වා දෙන්නේ ශ්‍රී ලංකාවේ දළ දේශීය නිෂ්පාදිතය සියයට 11.8 කින් පසුබා ඇති බවයි.

2022 වර්ෂයේ තෙවන කාර්තුවේදී කෘෂිකාර්මික ක්ෂේත්‍රයේ සියයට 8.7ක්, කාර්මික ක්ෂේත්‍රයේ සියයට 21. 2ක් සහ සේවා කටයුතු සියයට 2 .6 කින්
මෙලෙස පහත වැටී ඇති බවයි වාර්තා පෙන්වා දෙන්නේ.

2022 වසරේ තෙවන කාර්තුවේ පවත්නා මිල ගණන් යටතේ දළ දේශීය නිෂ්පාදිතය රුපියල් මිලියන 6,417,031ක් බවත්, එසේම ස්ථාවර මිල (2015) ගණන් යටතේ තෙවන කාර්තුවේ දළ දේශීය නිෂ්පාදිතය රුපියල් මිලියන 2,884,218 ක් වූ බවත් එහි දක්වා තිබේ.

2021 වසරේ තෙවන කාර්තුවේ ස්ථාවර මිල (2015) ගණන් යටතේ දළ දේශීය නිෂ්පාදිතය රුපියල් මිලියන 3,629,510 ක් ලෙස වාර්තා වූ අතර එය 2022 වසරේ තෙවන කාර්තුවේදී රුපියල් මිලියන 2,884,218 ක් දක්වා පහත වැටී තිබේ.