කෝවිඩ් වසංගතය සහ සංකීර්ණ බාහිර පරිසර තත්වයන් ඇතුළු චීන ආර්ථිකයට ඇතිවූ පීඩනයන් නොතකා 2022 දී චීනයේ ආර්ථිකය ස්ථාවර වර්ධනයක් වාර්තා කර ඇති බව වාර්තාවේ.

චීනයේ දළ දේශීය නිෂ්පාදිතය සියයට 3 කින් වර්ධනය වී ඇති බව පැවසෙන අතර 2022 දී එක්සත් ජනපද ඩොලර් ට්‍රිලියන 17.95 ක වාර්තාගත ඉහළ අගයක් දක්වා දළ දේශීය නිෂ්පාදිතය වර්ධනය වී ඇති බව චීන ජාතික සංඛ්‍යාලේඛන කාර්යාංශයේ  අද(17)  ප්‍රකාශ කළේය.

පසුගිය වසරේ සිව්වන කාර්තුවේදී චීනයේ දළ දේශීය නිෂ්පාදිතය සියයට 2.9 කින් ප්‍රසාරණය වී ඇති බවද චීන ජාතික සංඛ්‍යාලේඛන කාර්යාංශයේ දත්ත පවසයි.

” පීඩනය නොතකා ජාතික ආර්ථිකය අඛණ්ඩව වර්ධනය වූවා. ආර්ථික නිමැවුම නව මට්ටමකට ළඟා වූවා. රැකියා සහ මිල සාමාන්‍යයෙන් ස්ථාවර වූවා. ජන ජීවිතය අඛණ්ඩව වැඩිදියුණු වූවා. උසස් තත්ත්වයේ සංවර්ධනයේ නව ජයග්‍රහණ සුරක්ෂිත වූ. සමස්ත ආර්ථික හා සමාජ සංවර්ධනය ස්ථාවර සහ සෞඛ්‍ය සම්පන්නවූවා. ”චීන ජාතික සංඛ්‍යාලේඛන කාර්යාංශයේ හි ප්‍රධානී කන්ග් යී මාධ්‍ය හමුවකදී පැවසීය.

කෙසේ වෙතත්, ඉල්ලුම හැකිලීම, සැපයුම් කම්පනය සහ අපේක්ෂාවන් දුර්වල කිරීම යන දේශීය ත්‍රිත්ව පීඩනය තවමත් මතුවෙමින් පවතින අතර ජාත්‍යන්තර තත්වය තවමත් සංකීර්ණ හා දරුණු බැවින් දේශීය ආර්ථික ප්‍රකෘතියේ පදනම ශක්තිමත් නොවන බවද කන්ග් යී පැවසීය.

චීන ආර්ථිකයේ ස්ථාවරත්වය මේ වසර තුල ස්ථාවර වන බව සහතික කරන අතරම ආර්ථික ස්ථාවරත්වයට ප්‍රමුඛත්වය දෙන අතර ප්‍රගතිය හඹා යන බව ඔහු පැවසීය.