විදෙස් මාධ්‍ය වාර්තා කරන්නේ ජපානයේ භූ කම්පනයක් සිදුව ඇති බව යි.

එහි අගය රික්ටර් මාපකයේ 6.1ක් ලෙස දැක්වුන බවයි විදෙස් මාධ්‍ය වාර්තා කර ඇත්තේ. එමගින් සිදුවූ හානි පිළිබදව මෙතෙක් වාර්තා වී නොමැත.

මේ අතර, තුර්කියේ මධ්‍යම ඇනටෝලියා හි නිග්දා ප්‍රදේශයේ රික්ටර් මාපකයේ 5.3 ක් වන භූමිකම්පනයක් අද (25) සිදුවී ඇති බව විදෙස් වාර්තා පවසයි.

50,000 කට වැඩි පිරිසකට ජීවිත අහිමි කරමින් හට ගත් ප්‍රබල භූ කම්පනයෙන් සතිදෙකකට පසු මෙම භූ කම්පනය වාර්තා වූ බව එරට භූමිකම්පන නිරීක්ෂණ මධ්‍යස්ථානය පෙන්වා දී තිබේ.

මෙම භූ කම්පනය කිලෝ මීටර් 7 ක් එනම් සැතපුම් 4.34ක ගැඹුරින් භූමි අභ්‍යන්තරයේ හටගෙන ඇති බවත්, එමගින් ජීවිත හානි කිසිවක් මෙතෙක් වාර්තා වී නොමැති බවත් විදෙස් මාධ්‍ය පවසයි.