ඊයේ (24) පැවැති “ඵලදායී බහුපාර්ශ්විකත්වය” සඳහා කැප වූ එක්සත් ජාතීන්ගේ ආරක්ෂක මණ්ඩල සැසියේ මුලසුන රුසියානු විදේශ අමාත්‍ය සර්ජි ලැව්රොව් මහතා විසින් උසුලනු ලැබීය.සැසියේ සමාරම්භක දේශනය පවත්වමින් සර්ජි ලැව්රොව් මහතා, වත්මන් ගැටුමේ ස්වභාවය විදහා දැක්වූ අතර, එය ඇත්ත වශයෙන්ම එක්සත් ජාතීන්ගේ ප්‍රඥප්තිය සහ බටහිර සාමූහික “නීති මත පදනම් වූ පටිපාටිය” අතර ගැටුමක පවතින බව ඔහු පැවසීය.
එහිදී වැඩිදුරටත් අදහස් දක්වමින් රුසියානු විදේශ අමාත්‍යවරයා එක්සත් ජනපදය ඔහුගේ නිළ මාධ්‍ය සංචිතයට වීසා බලපත්‍ර ලබාදීම ප්රතික්ෂේප කර ඇති බව අවධාරණය කළේය. “එවැනි ආකාරයේ ක්‍රියා සිදු නොකළ යුතු බව ඇමරිකානු පරිපාලනයට මතක තබා ගැනීමට” සුදුසු ආකාරයෙන් ප්‍රතිචාර දැක්වීමට මොස්කව් පරිපාලනය ප්‍රතිඥා දී ඇති බව විදෙස් මාධ්‍ය ඊයේ වාර්තා කර තිබුණි.
ලෝක පටිපාටියෙහි අර්බුදය
ජාත්‍යන්තර නීතිය වෙනුවට එකසත් ජාතීන්ගේ සමහර සාමාජිකයින් ඔවුන්ගේ “නීති මත පදනම් වූ නියෝගයන්” සමඟ ප්‍රතිස්ථාපනය කිරීමට ඇති නැඹුරුව නිසා ඇති වූ ගැඹුරු අර්බුදයක් හරහා එක්සත් ජාතීන්ගේ කේන්ද්‍රීය පද්ධතිය ගමන් කරමින් සිටින බව රුසියානු විදේශ අමාත්‍යවරයා පෙන්වා දුන්නේය . “එවැනි ‘නීති’ තාවකාලිකව නිර්මාණය කර ඇති අතර ස්වාධීන සංවර්ධනය නැවැත්වීමට අදාළ වනවා. ඒවා බලාත්මක කරනු ලබන්නේ මිලිටරි බලයේ සිට සම්බාධක, මූල්‍ය සම්බාධක, දේපල රාජසන්තක කිරීම, ‘තීරණාත්මක යටිතල පහසුකම් විනාශ කිරීම(නොර්ඩ් ස්ට්‍රීම් ව්‍යාපෘතිය කඩාකප්පල් කිරීම සම්බන්ධයෙන් වන අවධාරණය ) සහ “විශ්වීය වශයෙන් එකඟ වූ සම්මතයන් සහ ක්‍රියා පටිපාටි හැසිරවීම” දක්වා වූ ක්‍රම යොදා ගනිමිනුයි. මේ වන විට ලෝක වෙළඳ සංවිධානය අඩපණ වී තිබෙනවා. ඊට සමාන්තරව වෙලඳපොල යාන්ත්‍රණ බිඳ වැටී තිබෙනවා. එලෙසම ජාත්‍යන්තර මූල්‍ය අරමුදල “එක්සත් ජනපදයේ සහ එහි සහචරයින්ගේ අරමුණු සාක්ෂාත් කර ගැනීමේ මෙවලමක්” බවට පත් කර තිබෙනවා” සර්ජි ලැව්රොව් මහතා පැවසුවේය.
ගෝලීයකරණය සහ එහි සතුරෝ
“අකීකරු අයට දඬුවම් කරමින් තම ආධිපත්‍යය තහවුරු කර ගැනීමේ මංමුලා සහගත ප්‍රයත්නයක දී, එක්සත් ජනපදය ගෝලීයකරණය විනාශ කිරීමට පියවර ගෙන තිබෙනවා. එහෙත් ගෝලීයකරණය වසර ගණනාවක් මුළුල්ලේ මානව වර්ගයාගේ ශ්‍රේෂ්ඨතම ක්‍රියාවලියක් ලෙස ප්‍රශංසාවට ලක්ව තිබෙනවා.,” රුසියානු විදේශ ඇමතිවරයා පැවසීය. නමුත් මේ වන විට එක්සත් ජනපදය සහ එහි සහචරයින් ඔවුන්ගේ “රන් බිලියනයට(රන් බිලියන න්‍යාය යනු සෙසු මානව වර්ගයාගේ වියදමින් බිලියන ගොඩනැගීම සඳහා ධනය රැස් කිරීමට ගෝලීය ප්‍රභූ කණ්ඩායමක් ක්‍රියා කරන කුමන්ත්‍රණ න්‍යායකි).” විරුද්ධ වන ඕනෑම අයෙකු අසාදු ලේඛනගත කර “අප සමඟ නැති අය අපට විරුද්ධයි” යැයි සෙසු ලෝකයට පවසන බව අවධාරණය කළේය.
“බටහිර සුළුතරයට මුළු ලෝකයම වෙනුවෙන් පෙනී සිටීමට අයිතියක් නැහැ” ලැව්රොව් පැවසීය.බටහිර සුළුතරයේ “නීති මත පදනම් වූ නියෝගයන්” එක්සත් ජාතීන්ගේ ප්‍රඥප්තියේ ප්රධාන මූලධර්මය වන ස්වෛරී සමානාත්මතාවය ප්රතික්ෂේප කිරීමකට සමාන වන බව පෙන්වා දුන් රුසියානු විදේශ ඇමතිවරයා, යුරෝපීය “උද්‍යානය” සහ ඉන් පිටත “වනාන්තරය” පිලිබඳ යුරෝපා සංගම් කොමසාරිස් ජෝසෙප් බොරෙල්ගේ කුප්‍රකට ප්‍රකාශය මේ සඳහා සාක්ෂි දරණ බව අවධාරණය කළේය.
එක්සත් ජාතීන්ගේ ප්‍රඥප්තිය අශික්ෂිත ලෙස උල්ලංඝනය කිරීම
යුගෝස්ලාවියාව සහ ඉරාකය සිට ලිබියාව දක්වා රඟ දැක්වූ එක්සත් ජනපද මිලිටරි “ත්‍රාසජනක” ක්‍රියා මාලාවට අමතරව, ඔවුන් එක්සත් ජාතීන්ගේ ප්‍රඥප්තිය අශික්ෂිත උල්ලංඝනය කිරීම හොඳින්ම විද්‍යාමාන වන්නේ පශ්චාත් සෝවියට් රාජ්‍යයන් සම්බන්ධයෙන් මැදිහත් වීම බව ලැව්රොව් අවධාරණය කළේය. උදාහරණ ලෙස, ඔහු ජෝර්ජියාවේ සහ කිර්ගිස්තානයේ “වර්ණ විප්ලවයන්” සහ 2014 කියෙව්හි කුමන්ත්‍රණය විදහා දැක්වූවේය. එක්සත් ජාතීන්ගේ සංවිධානය මින්ස්ක් ගිවිසුම් අනුමත කරමින් ඊළඟ යුද්ධය ඇතිවීම වැලැක්වීමට උත්සාහ කළ විට, එක්සත් ජාතීන්ව ‘කියෙව් පරිපාලනය සහ ඔවුන්ගේ බටහිර ස්වාමිවරුන්’ විසින් පාගා දමන ලද්දේය. කියෙව් පරිපාලනය සහ ඔවුන්ගේ බටහිර ස්වාමිවරුන් මින්ස්ක් ගිවිසුමට අනුගත වීමට කිසි විටෙකත් අදහස් නොකළ නමුත් යුක්රේනයට රුසියාවට එරෙහිව ආයුධ පොම්ප කිරීමට කාලය මිලදී ගැනීමට පමණක් ගිවිසුම අවශ්‍යවූ බව නරුම ලෙස හා ආඩම්බරයෙන් පිළිගත් බව රුසියානු විදේශ අමාත්‍යවරයා වැඩිදුරටත් පැවසීය.
යුක්රේන ගැටුම කුමක් සම්බන්ධයෙන්ද
“අද මුළු ලොවටම පැහැදිලියි යුක්රේන ගැටුම කිසිසේත්ම යුක්රේනය සඳහා නොව එම ගැටුමේ සිට ජාත්‍යන්තර සබඳතා ගොඩනගා ගන්නේ කෙසේද යන්න සම්බන්ධයෙන් පමණක් බව. අවශ්‍යතා තුලනය කිරීම මත ස්ථාවර සම්මුතියක් සැකසීම හරහා හෝ ආක්‍රමණශීලී සහ පුපුරන සුලු ආධිපත්‍ය ප්‍රවර්ධනය කරනවා.”ලැව්රොව් පැවසීය. “රුසියාව, යුක්රේනයේ සටන් කරන්නේ කුමක් සඳහාද යන්න අවංකව පවසා තිබෙනවා.” ඔහු තවදුරටත් පැවසීය. යුක්රේනයේ රුසියාව කරන මිලිටරි මෙහෙයුමේ අරමුණු වන්නේ, නේටෝව විසින් රුසියාවේ ආරක්ෂාවට එල්ල කර ඇති තර්ජනය තුරන් කිරීම සහ ජාත්‍යන්තර සම්මුතීන් විසින් පිළිගෙන ඇති අයිතීන් ක්‍රමානුකූලව උල්ලංඝණය කර යුක්රේනයේ ජීවත්වන ජනතාව පන්නා දැමීමට සහ සමූලඝාතනය කිරීමට උත්සාහ කරන පාලන තන්ත්‍රයකගෙන් එම ජනතාව ආරක්ෂා කිරීම බව ලැව්රොව් පෙන්වා දුන්නේය.
එක්සත් ජාතීන්ගේ සංවිධානය බේරා ගන්නේ කෙසේද?
එක්සත් ජාතීන්ගේ මහලේකම් කාර්යාල සහ අනෙකුත් ජාත්‍යන්තර ආයතන අත්පත් කර ගනිමින් බටහිරයන් එක්සත් ජාතීන්ගේ සංවිධානය යටපත් කිරීමට නින්දිත උත්සාහයක් ගෙන ඇති බව ලැව්රොව් ආරක්ෂක මණ්ඩලයට පැවසීය. “වොෂින්ටනය සහ එහි සහචරයෝ රාජ්‍ය තාන්ත්‍රික කටයුතු අත්හැර දමා, යුද්ධයේ බිහිසුණු බව වැලැක්වීම සඳහා නිර්මාණය කරන ලද එක්සත් ජාතීන්ගේ ශාලා තුළ යුධ පිටියේ සංදර්ශනයක් ඉල්ලා සිටින බවද රුසියානු විදේශ අමාත්‍යවරයා අවධාරණය කළේය. ඒ නිසා සැබෑ බහුපාර්ශ්විකවාදය ජාත්‍යන්තර සබඳතාවල නැගී එන බහු ධ්‍රැවීයභාවයේ “වෛෂයික ප්‍රවණතාවලට අනුවර්තනය වීමට එක්සත් ජාතීන්ට අවශ්‍ය” බව රුසියානු විදේශ අමාත්‍යවරයා තර්ක කළේය.”වත්මන් එක්සත් ජාතීන්ගේ සංවිධානය තුළ බටහිර රටවල වර්තමාන “අසාධාරණ අධි නියෝජනය” “බහුපාර්ශ්විකත්වයේ මූලධර්මය යටපත් කරන” බැවින් එක්සත් ජාතීන්ගේ සංවිධානය තුළ අප්‍රිකාව, ආසියාව සහ ලතින් ඇමරිකාවේ නියෝජනය ඉහළ දැමීම සඳහා ආරක්ෂක මණ්ඩලය ප්‍රතිසංස්කරණය කළ යුතුයි.” රුසියානු විදේශ ඇමතිවරයා දැඩිව අවධාරණය කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...