පාකිස්තාන හිටපු අගමැති ඉම්රාන් ඛාන් දින 8ක කාලයක් සඳහා රිමාන්ඩ් බන්ධනාගාර ගතකිරීමට එරට අධිකරණය අවසර දී තිබේ.

හිටපු අගමැතිවරයා ඊයේ දින අත්අඩංගුවට ගැනීමත් සමග රට තුළ පැතිර ගිය විරෝධතා මධ්‍යයේ බලුකිස්තාන්, පන්ජාබ් සහ කයිබර් – පක්තුන්ක්වා යන පළාත්වල නීතිය හා සාමය ආරක්ෂා කිරීම සඳහා පාකිස්තාන හමුදාව කැඳවා ඇති බවයි විදෙස් මාධ්‍ය පවසන්නේ.

මේ වන විට නිරිතදිග නගරයක් වන ක්වෙටා හි එක් පුද්ගලයකු මිය ගොස් ඇති බවත්, පන්ජාබ් පළාතේ 1,000 කට ආසන්න පිරිසක් අත්අඩංගුවට ගෙන බවත් වාර්තා වේ.

මෙම අත්අඩංගුවට ගැනීම සම්බන්ධයෙන් තවදුරටත් රටපුරා දැඩි විරොධතා පැවැත් වෙන බවයි විදෙස් මාධ්‍ය පවසන්නේ.