කොළඹ කොටස් වෙළෙඳපොළේ ලැයිස්තුගත සමාගම් 4ක් මෙරට කොටස් වෙළඳපොලෙන් ඉවත්වීමට තීරණය කර ඇති බව වාර්තා වේ.

Shalimar (Malay) Plc, Selinsing Plc, Good Hope Plc, සහ Indo Malay Plc යන සමාගම් හතර මෙසේ කොටස් වෙළෙඳෙපොළෙන් ඉවත්වීමට තීරණය කර ඇති අතර, මෙම සමාගම් ශ්‍රී ලංකාවේ ප්‍රමුඛතම සමාගම් සමූහයක් වන කාර්සන්ස් සමූහයට අයත් සමාගම් බවත් සඳහන්ය.

මෙම සමාගම් හතරෙහිම ප්‍රධාන කොටස්කරුවා වන්නේ Good Hope Asia Holdings Ltd සමාගමයි. Shalimar (Malaya) Plc – 83.20% ක්, Selinsing Plc – 95.68% ක්, Good Hope Plc – 90.91% ක් සහ Indo Malay Plc – 87.14% ක් එම සමාගම් හතරෙහි බහුතර කොටස් හිමිකාරීත්වය Good Hope Asia Holdings Ltd සතුව පවතින බවයි පැවසෙන්නේ.

මෙම සමාගම් කොටස් වෙළෙඳපොළෙන් ඉවත් වන අවස්ථාවේ දී එහි සුළුපරිමාණ කොටස්කරුවන් සතු කොටස් සියල්ල මිල දී ගැනීමට Good Hope Asia Holdings Ltd සැලසුම් කර ඇති බවත් වාර්තා වන අතර, මෙම සමාගම් හතර පාම් ඔයිල් කර්මාන්තයේ නිරත සමාගම් වන බවත්, ඒවායේ වතු මැලේසියාවේ පිහිටා තිබෙන බවත් සඳහන්ය.