ගුවන් හමුදාවට අයත් පුහුණු ගුවන් යානයක් ත්‍රිකුණාමලය, ගුවන් හමුදා චීන වරාය කඳවුරු ප්‍රදේශයේදී අනතුරට ලක් වී තිබේ.

අනතුරින් ගුවන් යානයේ ගමන් ගත් නිලධාරින් දෙදෙනා ජීවිතක්ෂයට පත්ව ඇත.

ශ්‍රී ලංකා ගුවන් හමුදා චීන වරාය විද්‍යාපීඨයේ පිහිටි අංක 1 පියාසර පුහුණු පක්ෂාංගයේ ගුවන් නියමුවන් පුහුණු කිරීම සඳහා යොදාගනු ලබන PT – 6 වර්ගයේ ගුවන් යානයක් මෙලෙස අනතුරට ලක්ව ඇති අතර, අද (7) පෙරවරු 11:27ට පමණ මෙම අනතුර සිදුව තිබේ.

ගුවන් හමුදාධිපති එයාර් මාර්ෂල් උදේනි රාජපක්ෂ විසින් අනතුර පිළිබඳ විමර්ශනය කිරීම සඳහා විශේෂ පරීක්ෂණ කමිටුවක් පත්කරනු ලැබ ඇති බව ද ගුවන් හමුදාව වැඩිදුරටත් පවසයි.