දිවයින පුරා පවතින වියළි කාලගුණ තත්ත්වය හේතුවෙන් පීඩාවට පත්ව ඇති පුද්ගලයන් සංඛ්‍යාව 190,000ට ආසන්න වී ඇති බව ආපදා කළමනාකරණ මධ්‍යස්ථානය නිවේදනය කරයි.

වියළි කාලගුණයෙන් ඇතිවූ පානීය ජල හිඟයට දිස්ත්‍රික් 15ක, ප්‍රාදේශීය ලේකම් කොට්ඨාස 52ක ජනතාවට මුහුණ දීමට සිදු ව ඇති බවයි එම මාධ්‍යස්ථානය පවසන්නේ.

ඒ අනුව එම ප්‍රදේශවල පවුල් 54,979කට අයත් පුද්ගලයන් 183,038 දෙනෙකු පීඩාවට පත් ව තිබේ.

උතුර පළාතේ පමණක් පුද්ගලයන් 75,287 දෙනෙකු පීඩාවට පත් ව ඇති අතර, ඉන් 70,238 දෙනෙකුම යාපනය දිස්ත්‍රික්කයේ පදිංචිකරුවන් බව ආපදා කළමනාකරණ මධ්‍යස්ථානය පවසයි.