බඳවාගැනීමේ ක්‍රියා පටිපාටියේ දුර්වලතාවයන් වලට විරෝධය පළ කරමින් අද(24) දිනයේ සිට පැය 24ක වැඩ වර්ජනයක නිරතවීමට පරිපූරක වෛද්‍ය වෘත්තීය සමිති පහක් තීරණය කර ඇත.

ඒ අනුව අද පෙරවරු 8.00 සිට 25වැනිදා පෙරවරු 8.00දක්වා සිය වැඩ වර්ජනය ක්‍රියාත්මක කරන බව ද සදහන් කරයි.මේ සදහා විකිරණ තාක්ෂණවේදීන්, රසායනාගාර විද්‍යඥ වෘත්තිකයින්, ඖෂධවේදීන්, භෞතචිකිත්සකයින්, වෘත්තීය චිකිත්සකයින් යන වෘත්තීය සංගම් පහ වැඩ වර්ජනයට සහභාගි වන බව පවසති.