දූෂණ විරෝධියෙකු ලෙස පෙනී සිටින එක්සත් ජාතික පක්‍ෂය පත්කළ මන්ත්‍රී ජනාධිපති නීතිඥ ආචාර්ය ජයම්පති වික‍්‍රමරත්න තීරු බදු රහිත ගෙන්වූ තම වාහනය විකුණා ඇතැයි වාර්තාවේ. ලංකා සම සමාජ පක්‍ෂයේ දේශපාලන මණ්ඩල සභිකයෙකු ද වන ජයම්පති වික‍්‍රමරත්න මහතා අගමැති රනිල් වික‍්‍රමසිංහගේ පාර්ලිමේන්තු ලේකම් වරයා ලෙසද කටයුතු කරයි.

පාර්ලිමේන්තු මන්ත‍්‍රීවරයෙකුට ලැබෙන තීරු බදු සහනය යටතේ ඔහු 2017 පෙබරවාරි 13 දින ටොයෝටා ලෑන්ඩ් කෲෂර් රථයක් මෙරටට ගෙන්වා ඇත. ඒ බෙස්ට් එයාර් පුද්ගලික සමාගම (Best Air Service PVT LTD) හරහා රුපියල් 95,27, 562.50 ක වටිනාකමකටය. ඒ වෙනුවෙන් රුපියල් 31, 774,450 ක බදු සහනයක් ඔහුට හිමිව තිබේ. 2017 ජූනි 14 වන දින ලියාපදිංචි කෙරුණු මෙම වාහනය 2017 අගෝස්තු මස 22 වන දින යාඩින් ඉන්ටර් නැෂනල් පපුද්ගලික සමාගමට(Yaden International PVT LTD) පවරා ඇත.