සිංහල බෞද්ධ පුනරුදයට රට, දැය, සමයට, අග්‍රගන්‍ය මෙහෙවරක් ඉටුකළ ශ්‍රීමත් අනගාරික ධර්මපාලතුමාගේ 159 වැනි ජන්ම දින සැමරුම හෙට (17දා) යෙදී තිබේ.

මේ නිමිත්තෙන් රටපුරා විවිධ ස්ථානවල ධර්මපාල වෙනුවෙන් සමරු උත්සව පැවැත්වෙන අතර, ශ්‍රී ලංකා මහා බෝධි සංගමයේ සභාපති ජපානයේ ප්‍රධාන සංඝනායක බානගල උපතිස්ස නාහිමියන්ගේ අනුශාසනා මත ශ්‍රී ලංකා මහා බෝධි සංගමයේ සංවිධානයෙන් සැමරුම් උළෙලක් හෙට (17දා) උදේ 10.00 ට කොළඹ මහා බෝධි අග්‍ර ශ්‍රාවක විහාර පරිශ්‍රයේදී පැවැත්වේ.

එම අවස්ථාවට ආග්‍රාමාත්‍ය දිනේෂ් ගුණවර්ධන මහතා ප්‍රධාන ආරාධිතයා ලෙස එක්වන අතර, එදින උදේ 8.00 ට කොළඹ නගර ශාලාව ඉදිරිපිට දම්පල්තුමන්ගේ ප්‍රතිමාවට පුෂ්පෝපහාර පිදීමද සිදු වේ.