මාඕ ත්ස-තුං පෙන්වූ මග – පළවැනි ග්‍රන්ථය ‘පොතේගුරුවාදයට එරෙහිව‘ යන නමින් ආචාර්ය වරුණ චන්ද්‍රකීර්ති මහතාගේ පරිවර්තනයෙන් එළිදක්වා තිබේ.

1921 ජූලි මාසයේ දී පැවැත්වුණු චීන පොදු නිෂ්පාදන පක්ෂය (චීන කොමියුනිස්ට් පක්ෂය) පිහිටුවීමේ ආරම්භක නියෝජිත සම්මේලනයට මාඕ ත්ස-තුං ද සහභාගීවී ඇති අතර, එම රැස්වීමට සහභාගීවූ දොළොස් දෙනාගෙන් කෙනෙකු වූවද පක්ෂයේ මුල් පෙළ නායකත්වයක් ඔහුට හිමි නොවූ බවත්, චීනයේ තරුණ ශිෂ්‍ය කණ්ඩායමක් වැඩිදුර අධ්‍යාපනය සඳහා සෝවියට් දේශය බලා පිටත්ව ගොස් ආපසු පැමිණි පසුව ඔවුන්ට ලොකු තනතුරු පිරිනැමුණ බවත් වරුණ චන්ද්‍රකීර්ති මහතා පරිවර්තනය කර ඇති මෙම කෘතිය තුළ කරුණු සඳහන් කර තිබේ.

මෙම වකවානුවේ දී කොමියුනිස්ට්  පක්ෂය තුළ ක්‍රියාත්මක වූ පොතේගුරුවාදය පිළිබඳව ද මෙම කෘතියේ කරුණු සඳහන් වන අතර, එයට එරෙහිව මාඕ ත්ස-තුං ක්‍රියාත්මක වූ ආකාරය පිළිබඳව ද කරුණු අඩංගු වී තිබේ.

මෙම තත්ත්වයන් පිළිබදව මාඕ ත්ස-තුං විසින් 1930 දී ලියූ ලේඛනයක් ආචාර්ය වරුණ චන්ද්‍රකීර්ති මහතා ‘පොතේගුරුවාදයට එරෙහිව‘ යන නමින් මෙසේ පරිවර්තනය කර පොතක් වශයෙන් එළිදක්වා තිබේ.

මෙම කෘතිය කොළඹ 08 ප්‍රෝග්‍රෙසිව් පබ්ලිෂිං හවුස් වෙතින් මිලදී ගැනීමට හැකිය.