වසර ගණනාවකට පසු රොබට් මුගාබේගේ නම ඡන්ද පත්‍රිකාවේ නොමැතිව සිම්බාබ්වේහිදි පැවැත්වෙන පළමු මැතිවරණය අද (30) පැවැත්වෙයි.

පසුගිය නොවැම්බර් මාසයේදී හමුදා කුමන්ත්‍රණයකින් රොබට් මුගාබේගේ හතළිස් වසරක පාලනය අවසන් කිරීමෙන් පසු පැවැත්වෙන පළමු මැතිවරණය වන්නේ ද මෙයයි.

අසමත් ආර්ථිකයකට හිමිකම් සිම්බාබ්වේ ගෝලීය මට්ටමේදී ‘ගෝලීය නොසණ්ඩාලයා’ යන නමින් හඳුන්වයි. මෙවර මැතිවරණය එම කනගාටුදායක තත්ත්වයෙන් රට මුදා ගනු ඇතැයි බොහෝ දෙනා බලාපොරොත්තු දල්වා සිටිති.

ජනාධිපතිවරයා තෝරාගැනීමට අමරතව පාර්ලිමේන්තු මැතිවරණය සහ සිම්බාබ්වේ පළාත් මැතිවරණය ද පැවැත්වේ.

ජනාධිපති සටනේ ප්‍රමුඛතම සටන්කරුවන් දෙදෙනා වී ඇත්තේ 75 වැනි වියේ පසුවන වත්මන් ජනාධිපති එමර්සන් ම්නන්ගග්වාය. ඔහුගේ ප්‍රධාන ප්‍රතිවාදියා වී ඇත්තේ 40 හැවිරිදි වියේ පසුවන නීතිඥවරයකු ද වන නෙල්සන් චාමිසාය. ඔහු හිටපු ජනාධිපති මුගාබේගේ සමීපතමයකු ද වේ. හෙතෙම සිම්බාබ්වේහි ළාබලතම රාජ්‍ය නායකයා වීමේ අපේක්ෂාවෙන් සිටී.

සමීක්ෂණ වාර්තාවලට අනුව හිටපු බුද්ධි අංශ ප්‍රධානියා ද වන එමර්සන් ම්නන්ගග්වා ඉතා කුඩා සීමාවකින් ජයගනු ඇතැයි පැවසේ. පළමු වටයේදී කිසිදු අපේක්ෂකයකුට ඡන්ද වලින් අඩකඩ වඩා දිනාගැනීමට නොහැකි වුවහොත් දෙවැනි වටය පැවැත්වෙයි. දෙවැනි වටය සැප්තැම්බර් 8 වැනිදා පැවැත්වීමට නියමිතය.

ආර්ථිකය යථා තත්ත්වයට ගෙන ඒමටත් සෘජු විදෙස් ආයෝජන ආකර්ෂණය කරගන්නා බවට ම්නන්ගග්වා පොරොන්දු වී තිබේ. එරට තිබෙන වාර්ගික හා ගෝත්‍රික බෙදීම් නිවැරැදි කිරීමට පියවර ගන්නා බව ද ඔහු සඳහන් කර ඇත.

කෙටි කාලයකදී ඉහළ ජනප්‍රියත්වයක් හිමි කරගත් චමීසා අනුහස් ඇති කථිකයකු ලෙසින් හැඳින්වේ. හෙතෙම තරුණයන්ගේ සහ විරැකියාවෙන් පෙළෙන්නන්ගේ ඡන්ද දිනාගනු ඇතැයි පැවසේ. එමෙන්ම දශක හතරකට ආසන්න කාලයක සානු පී.එෆ් පක්ෂ පාලනය නිසා පීඩාවට පත්වූ බොහෝ දෙනෙකු චමීසාට ඡන්දය භාවිත කරනු ඇතැයි වාර්තා වේ.

එමර්සන් මෙන්ම රොබට් මුගාබේ දෙදෙනාම සානු පී.එෆ් පක්ෂයෙන් වුවත් ඉරිදා (30) විශේෂ ප්‍රකාශයක් කරමින් තමන් විපක්ෂයට සහාය දක්වන බව රොබට් මුගාබේ පැවැසීය.

විපක්ෂ නායක ද චමීසා නියෝජනය කරන්නේ ප්‍රජාතන්ත්‍රවාදී වෙනසක් සඳහා ව්‍යාපාරය (එම්.ඩී.සී) පක්ෂයයි.