මත්තල ජාත්‍යන්තර ගුවන්තොටුපොළ වෙත අද (31දා) පස්වරු 1.40ට පමණ ඇන්ටනොවු වර්ගයට අයත් ADB 2540 වර්ගයේ ගුවන් යානයක් පැමිණ තිබේ.

ඉන්දුනීසියාවේ සිට මස්කට් දක්වා පියාසර කිරීමට පැමිණ ඇති මෙම ගුවන් යානය 19 දෙනෙකුගෙන් සමන්විත කාර්යමණ්ඩල විවේකය සඳහා මෙන්ම තෙල් අවශ්‍යතා සපුරා ගැනීම සඳහා මෙලෙස ගුවන්තොටුපොළ භාවිත කළ බව මත්තල ගුවන්තොටුපොළ නිලධාරියෙකු පැවසීය.

මත්තල ගුවන්තොටුපොළේ ඇති පහසුකම් මෙන්ම එය දැඩි සේ කාර්යබහුල නොවීමත් නිසා ඇන්ටනොවු ගුවන් යානා මත්තල ගුවන්තොටුපොළ භාවිත කිරීම පසුගිය කාලය පුරාවටම සිදු කෙරිණි. ඒ අතර පසුගිය අප්‍රේල් මස 18 වනදා ලොව විශාලතම ගුවන් යානයක් වන antanov225 වර්ගයට අයත් ගුවන් යානයද මත්තල ගුවන්තොටුපොළට පැමිණ තිබේ.