ආර්ථික වර්ධනය 4% ට බසියි; මහ බැංකු අධිපති කියයි
මේ වර්ෂයේ (2018) සමස්‌ත ආර්ථික වර්ධනය සියයට 4 ක්‌ පමණ දක්‌වා අඩුවනු ඇතැයි ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්‌වාමි මහතා ඊයේ (03 දා) මහ බැංකු මූලස්‌ථානයේ දී පැවති ප්‍රවෘත්ති සාකච්ඡාවකදී කීවේය.
මේ වසරේ මුලදී සියයට 5 ක පමණ සමස්‌ත ආර්ථික වර්ධනයක්‌ මේ වසර (2018) සඳහා ලැබෙනු ඇතැයි මහ බැංකුව පුරෝකථනය කර තිබිණි.
කෙසේ වෙතත් පවතින වාතාවරණය අනුව මේ වසරේ ආර්ථික වර්ධනය සියයට 4 ක අගය ඉක්‌මවීමට අපහසු වනු ඇතැයි මහ බැංකු අධිපතිවරයා මාධ්‍යවේදීන් ඇසූ ප්‍රශ්නවලට පිළිතුරු දෙමින් කීවේය.
පළමු මාස හයේ දී ශ්‍රී ලංකා ආර්ථිකය වර්ධනය වී ඇත්තේ සියයට 3.4 කින් පමණක්‌ බවත්, මේ නිසා සියයට 4 ක ආර්ථික වර්ධනයක්‌ ලබා ගැනීම සඳහා වර්ෂයේ දෙවැනි මාස හයේදී සියයට 4.6 ක ආර්ථික වර්ධනයක්‌ ලබාගත යුතු බවත් මහ බැංකු අධිපතිවරයා කීවේය.
මේ අනුව මේ වසරේ (2018) දෙවැනි කාර්තුවේදී දේශීය ආර්ථිකයේ ක්‍රමික වර්ධනයක්‌ අපේක්‍ෂා කරන බවද මහ බැංකු අධිපතිවරයා තවදුරටත් කීවේය.
ශ්‍යාම් නුවන් ගනේවත්ත
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...