එළිමහන් හමුදා උත්සවයක් අමතමින් සිටි වෙනිසියුලානු ජනාධිපති නිකොලොස් මාදුරෝ ඉලක්ක කර ගනිමින් එල්ලවූ ඩ්‍රෝන් ප්‍රහාරයකින් ජනාධිපතිවරයා දිවි බේරා ගැනීමට අද (05) සමත් වුනා.

වෙනිසියුලානු සන්නිවේදන අමාත්‍ය ජෝර්ජ් රොද්‍රිගස් පැවසුවේ ජනාධිපතිවරයා උත්සවය ආමන්ත්‍රණය කරමින් සිටි ස්ථානය ආසන්නයට පුපුරණ ද්‍රව්‍ය පිරවූ ඩ්‍රෝන් යානයක් වැටී එය පුපුරා ගිය බවයි.

ඩ්‍රෝන් ප්‍රහාරය එල්ලවන අවස්ථාවේදී ජනාධිපතිවරයාට අමතරව වේදිකාව මත සිටි රජයේ සහ හමුදා ප්‍රධානින් වහා ආරක්‍ෂිත ස්ථානයන් කරා රැගෙන ගිය බවත් පිපිරීමෙන් පුද්ගලයින් 7 දෙනෙක් තුවාල ලැබූ බව අමාත්‍යවරයා රොයිටර් පුවත් සේවයට සදහන් කර සිටියා.

ජනාධිපති නිකොලොස් මාදුරෝ හමුදා උත්සවය අමතමින් සිටි අවස්ථාව එරට මාධ්‍ය මගින් සජීවීව විකාශනය වෙමින් තිබු අතර ඩ්‍රෝන් යානය එන බව දැකීමත් සමග ජනාධිපතිවරයා ඇතුළු පිරිස කලබලවන අයුරු සහ හමුදා සෙබළුන් දිවයන අයුරු රුපවාහිනිය මගින් විකාශනය වී තිබුනා.

#BREAKING Speech by Venezuela President #Maduro cut off during a military parade, soldiers seen running pic.twitter.com/1mPcrSiDYV

— Guy Elster (@guyelster) August 4, 2018