රජය විසින් නිකුත් කර ඇති නව ගැසට් පත‍්‍රයක් නිසා මෝටර් රථ මිල නැවතත් ඉහල යන බව වාහන ආනයනකරුවෝ පවසති.

ඔවුන් පෙන්වා දෙන්නේ නව ගැසට් පත‍්‍රය මගින් කලින් මෝටර් රථවවලට වසර හතක් තිස්සේ අය කරන ලද බදු මුදල එක්වර ගෙවීමට සිදුව ඇති බවයි.

ඒ අනුව මෙම මෙම නියමය බලපැවැත්වෙන්නේ ධාරිතාව 1800cc ට ඉහල පෙට්‍රල් වාහන, ධාරිතාව 2300cc ට වැඩි ඩීසල් මෝටර් රථ, කිලෝ වොට් 200 ට විදුලි මෝටර් රථ සදහායි.

මේ වන තෙක් මෙම මෝටර් රථ සදහා අය කරන ලද්දේ පළමු වසරේදී රුපියල් 175,000න් ආරම්භ වී වසරින් වසර අඩුවන ආකාරයට වසර හතක් දක්වා වූ බදු මුදලකි.

නව නීතිය අනුව වසර 07 සදහාම බදු මුදල් එකවර ගෙවීමට වීම නිසා එම බදු මුදලද වාහන මිලට එක් කිරීමට තීරණය කල බව ආයනකරුවෝ සදහන් කරති.

මෑතකදී රජය විසින් එන්ජින් ධාරිතාව අඩු කුඩා මෝටර් රථ සදහා වූ බදු මුදලද විශාල වශයෙන් ඉහල දමනු ලැබීය.