රට වෙනුවෙන් කැපවුණු තම සැමියාට ඡීවිතදානය ලබා දීමට කටයුතු කරන්නැයි මරණ දණ්ඩනයට ලක් වී සිටින කෝප්‍රල් රාජකරුණා විරුවාගේ බිරිද ඉල්ලා සිටියි.

පසුගියදා ජ්‍යේෂඨ කථිකාචාර්ය පූජ්‍ය මාඳුරුඔයේ ධම්මිස්සර හිමියන් සහ පූජ්‍ය ශාස්ත්‍රවේදී සෙල්වෙහෙරගම සුමනවංශ හිමියන් ඇතුළු විද්වතුන් පිරිසක් මරණ දණ්ඩනයට ලක් වී සිටින කෝප්‍රල් රාජකරුණා විරුවාණන්ගේ පවුලේ තොරතුරු සොයා බැලීම සඳහා ගලෙන්බිදුනුවැව එම නිවසට ගිය අවස්ථාවේ මෙම ඉල්ලීම කර ඇත.

මේ පිළිබදව අදහස් දැක්වූ පූජ්‍ය මාරුඔයේ ධම්මිස්සර හිමි මෙසේ අදහස් පළ කළේය.

‘‘ප්‍රියන්ත රාජකරුණා රණවිරුවාට මරණ දඬුවම හිමි වන්නේ රට බේරාගන්න අපි කාගේත් ජීවිත බේරගත්තු යුද්ධය වෙනුවෙන් දිවි කැපකිරීම් කකරමින් සේවය කරපු නිසා. ජාත්‍යන්තරය සතුටු කරන්න, බෙදුම් බෙදුම්වාදීන් ඩයස්පෝරාව සතුටු කරන්න, තමයි බොරු චෝදනා ගොතල රණවිරුවන්ට දඬුවම් දෙන්නේ.

උසාවියෙන් තීන්දු දෙන්න වෙන්නේ පොලිසිය ගොතන සාක්ෂි වලට අනුව ඒ නිසාය රටේ රණවිරුවන්ගේ දරු පවුල් ගැන සොයලා බලන එක සෑම රටවැසියකුගේ යුතුකම හෘද සාක්ෂියක් තිබෙන කෘතගුණ දන්නා මිනිසුන් මේ දරු පවුල් ගැන බලන්න ඕන“