ශ්‍රී ලංකාවේ හා මාලදිවයිනේ නව ඇමෙරිකා තානාපතිනිය වශයෙන් ඇලයිනා ටෙප්ලිට්ස් මහත්මිය පත් කර ඇතැයි කොළඹ ඇමෙරිකා තානාපති කාර්යාලය සදහන් කරයි.
ඇයගේ මෙම පත්වීම ඇමෙරිකා සෙනෙට් සභාව විසින් අනුමත කිරීමත් සමඟ ඇයට සුබ පැතුම් එක් කරමින් ඇමෙරිකා තානාපති කාර්යාලය මේ බව කියා සිටී.
ඒ අනුව ඇලයිනා ටෙප්ලිට්ස් මහත්මිය ළගදීම සිය රාජකාරී කටයුතු බාර ගනු ඇතැයි ඇමෙරිකා තානාපති කාර්යාලය කියා සිටී.
ශ්‍රී ලංකාවේ තානාපති ධූරයට අමතරව ඇය මාලදිවයිනේ ඇමෙරිකා තානාපතිනිය ලෙස පත් කරනු ලැබ සිටින්නීය. ඇමෙරිකා විදේශ සේවයේ ජ්‍යෙෂ්ඨතම නිලධාරිනියක වන ටෙප්ලිට්ස් මහත්මිය මීට පෙර නේපාලයේ ඇමෙරිකා තානාපතිනිය වශයෙන්ද මීට පෙර ඇමෙරිකාවේ ශ්‍රී ලංකා තානාපති ලෙස කටයුතු කළ අතුල් කෙශාප් මහත් ඉකුත් ජූලි 15 වැනිදා සිය ධූර කාලයෙන් සමුගත් අතර මේ වන තෙක් ශ්‍රී ලංකාවේ වැඩබලන ඇමෙරිකානු තානාපති වශයෙන් රොබට් හිල්ටන් මහතා කටයුතු කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...