ශ්‍රී ලංකාවේ අතුරුදන්වූවන් පිළීබඳව නිශ්චිත සංඛ්‍යාත්මක තොරතුරක් නොමැති බව අතුරුදන්වූවන් පිළිබඳ කාර්යාලයේ සභාපති, ජනපති තීනිඥ සාලිය පීරිස් මහතා පවසයි.

අද (08දා) වාද්දූව, බ්ලූ වෝටර් හෝටලේ පැවැති වැඩසටහනකදී ඔහු මේ බව සඳහන් කළේය.

යුද්ධය හේතුවෙන්, ජනතා විමුක්ති පෙරමුණේ කළබල හේතුවෙන් පුද්ගලයන් අතුරුදන් වී ඇති බවත් ඔහු ප්‍රකාශ කළේය.

ජාත්‍යන්තර රතු කුරුස සංවිධානයේ වාර්තා අනුව අතුරුදන්වූවන්ගේ පිරිස 21000ක් පමණ බවත් පරණගම කොමිසම හරහා එම සංඛ්‍යාව 16000ක් පමණ බව සඳහන් කර ඇති බවත් ඔහු පෙන්වා දුන්නේය.

යුද හමුදාවේ හා පොලීසියේ අතුරුදන්වූවන්ගේ ප්‍රමාණය 5100ක් බවට දක්වා ඇතත් එය සංඛ්‍යාත්මක සඳහන් වී ඇති බවත් ඔහු පෙන්වා දුන්නේය.

අතුරුදන්වූවන්ගේ කාර්යාලයට කිසිසේත්ම දඬුවම් පැමිණවීමට හැකියාවක් නොමැති බවත් එයට සිවිල් හෝ අපරාධ නඩුවක් ගොනු කළ නොහැකි බවත් ඔහු පෙන්වා දුන්නේය.