කටුනායක ගුවන් තොටුපොළේ නව පර්යන්තයක් ඉදිකර එය පුද්ගලික අංශයට පැවරීම සඳහා පිඹුරුපත් සකස් කරමින් සිටින බව වාර්තාවේ.

ගුවන්තොටුපොළ සේවකයින් වාර්තා කරන පරිදි මේ වනවිට නව මගී පර්යන්තය ඉදිකිරීමේ කටයුතුවල මුල් අදියර සිදුවෙමින් තිබේ. මෙය ඉතා හදිසි කටයුත්තක් සේ සලකා සිදු කිරීමට නියමිත අතර ඒ සඳහා අග්‍රාමාත්‍යවරයාගේ හා ප්‍රවාහන නියෝජ්‍ය අමාත්‍යවරයාගේ සහ ගුවන් තොටුපොළ හා ගුවන්සේවා සමාගමේ අධ්‍යක්ෂවරු දෙදෙනෙකුගේ සෘජු මැදිහත්වීම ඇති බවද සේවකයෝ සඳහන් කරති.

මීට පෙර ගොඩනැගිල්ලක් ඉදිකිරීමට ඇතුළු සංවර්ධන කටයුතු සඳහා ගුවන්තොටුපොල හා ගුවන්සේවා සමාගමට ජයිකා ආයතනයෙන් ණය මුදලක් ලැබී තිබෙන බවත් මේ නව පරියන්තයට එම මුදල් යෙදවීමේ අනතුරක් පවතින බවත් එසේ ගුවන් තොටුපොළ ණයට ලබාගත් මුදල් යොදවා මෙම නව පරියන්තය ඉදිකර එය පුද්ගලික අංශයට පැවරීමේ සූදානම් පවතින්නේ යැයි සැකයක් ගුවන් තොටුපොළ සේවකයින් අතර හටගෙන ඇති බවත් එම සේවකයෝ වැඩිදුරටත් සඳහන් කරති.

කටුනායක ගුවන් තොටුපළට ආදායම් හිමි කර දුන් ගුවන්තොටුපොළ ඉන්ධන පිරවුම්හල, ගුවන්තොටුපොළ රථවාහන නැවතුම්පොල ආදියද මේ වනවිට පුද්ගලික අංශය වෙත ලබාදී තිබේ.