චීනයේ වැඩිහිටි ජනගහනය වර්ධනය වීම බරපතල සමාජ ප්‍රශ්නයක් බවට පත්ව ඇතැයි චීන මාධ්‍ය වාර්තා කරයි. වසර 2035 වන විට එරට වැඩිහිටි ජනගහනය මිලියන 400ක් වනු ඇතැයි ගණන් බලා තිබේ.
චීනයේ සමාජ ආරක්ෂණ සංගමය පවසන්නේ චීනය මේ වන විට අතිශය වයස්ගත සමාජයක් බවට පත්වෙමින් පවතින බවයි.
අන්තර්ජාතික ප්‍රමිතීන්ට අනව රටක ජනගහයෙන් වයස අවුරද 65 ඉක්වූවන්ගේ ප්‍රතිශතය 7%-14% දක්වා පවතින විට එය වැඩිහිටි සමාජයක් සේ සැලකේ.
වර්ෂ 2000දී චීනය එම තත්ත්වයට පත්විය.
මේ වන විට එරට ජනගහනයෙන් මිලියන 240ක් වයස අවුරුද 60 ඉක්වූවන් වේ. වසරකට මිලියන 10 බැගින් මෙම සංඛ්‍යාවට එක්වන අතර මෙම ප්‍රමාණය 14% ඉක්මවුවහොත් ප්‍රශ්නය උග්‍රවන බව සමාජ ආරක්ෂන සංගමය පෙන්වා දෙයි.
වැඩිහිටි ජනතාවට අවශ්‍ය පහසුකම් ඇතත් රට පුරා සමානව ඒවා බෙදී යන්නේ නැති. එසේම මේ වැඩිහිටි ජනතාවගේ ඇප උපස්ථාන කටයුතු නිසිපරිදි ඉටු කිරීමට නොහැකි වීම දැනට ඇති බරපතල ගැටලුවකි.