රටතුල පැන නැගී ඇති ආර්ථික සහ දේශපාලන අර්බුදලවලට මුහුණදීමට ජනාධිපති මෛත්‍රීපාල සිරිසේන මහතා සහ ඒකාබද්ධ විපක්ෂය අතර එකඟත්වයක් ඇති කිරීමට අලුතින් සාකච්ඡා වටයක් ආරම්භ වී ඇතැයි දේශපාලන ආරංචිමාර්ග සඳහන් කරයි.
ආණ්ඩුවෙන් ඉවත් වූ ශ්‍රී ලංකා නිදහස් පක්ෂ 15 දෙනාගේ කණ්ඩායමේ ප්‍රබලයන් කිහිපදෙනෙකු සහ ඒකාබද්ධ විපක්ෂයේ පක්ෂ නායක මට්ටමේ ප්‍රබලයන් කිහිපදෙනෙකු මේ සඳහා සෘජුවම මැදහත් වී සිටින බවද වාර්තාවේ.
ආණ්ඩුව තුළ සිටින ප්රධාන පක්ෂ දෙක වන ශ්‍රී ලංකා නිදහස් පක්ෂයත්, එක්සත් ජාතික පක්ෂයත් අතර ඇතිව තිබෙන බරපතළ නොගැළපීම් හමුවේ ජාතික ආණ්ඩුව තවදුරටත් පවත්වාගෙන යා නොහැකි බව මෙම සාකච්ඡාවලට මැදිහත් වී සිටින පිරිසේ අදහස වී ඇතැයි දැනගන්නට තිබේ.
ඒ සඳහා තිබෙන විකල්පය අයවැයේ දී හෝ ඉන්පසු ඉතා ඉක්මනින්ම ශ්‍රී ලංකා නිදහස් පක්ෂයත් ඒකාබද්ධ විපක්ෂයත් මුල්වී නව ආණ්ඩුවක් පිහිටුවීම යැයි එම පිරිස් පෙන්වා දී ඇතැයි ද දේශපාලන ආරංචිමාර්ගවලින් පැවසේ.
පවතින දේශපාලන අර්බුදය තවදුරටත් දිග්ගැස්සුණහොත් රුපියලේ අගය ශීඝ්‍ර‘යෙන් බාල්දු වී ඩොලරය රුපියල් 200 පමණ දක්වා ඉහළ යනු ඇතැයි එම කණ්ඩායමේ අදහස වී ඇත.
ජනාධිපති මෛත්‍රීපාල සිරිසේන මහතාත් හිටපු ජනාධිපති මහින්ද රාජපක්ෂ මහතාත් වෙන වෙනම හමුවී කඩිනමින් මේ පිළිබඳ සාකච්ඡා කිරීමට බලාපොරොත්තු වන බව මේ සඳහා මූලික වී සිටින දෙපාර්ශ්වයේම මන්ත්‍රීවරු කිහිපදෙනෙක් කියා සිටියහ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...