රී ලංකා රුපියල අවප්‍රමාණය වීම වළක්වා ගැනීම සඳහා මේ වසරේ ජනවාරි මස සිට මේ දක්වා ඇ.ඩො. මිලියන 184ක් වෙළෙඳ‍පොළට නිකුත් කර ඇති බව ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමී මහතා සඳහන් කළේය.
මීට අමතරව රජය සමග එක් වී ක්‍රියාමාර්ග රැසක් ගනිමින් රුපිය‍ලේ අගය ස්ථාවර කර ගැනීමට ශ්‍රී ලංකා මහ බැංකුව පියවර ගෙන ඇති බවද කීවේය.
ශ්‍රී ලංකා මහ බැංකු පරිශ්‍රයේදී ඊයේ (2) පැවැති මාධ්‍ය හමුවකදී කුමාරස්වාමී මහතා මේ බව සඳහන් කළේය.
මාධ්‍යවේදීන්ගේ ප්‍රශ්නවලට පිළිතුරු දෙමින් තවදුරටත් අදහස් දැක්වූ මහ බැංකු අධිපතිවරයා පෙන්වා දුන්නේ අපනයනය මෙන් දෙගුණයක් ආනයනය කිරීම රුපියල අවප්‍රමාණය වීමට ප්‍රබල හේතුවක් වී ඇති බවය.
විදේශ විනිමය පිටරටට ඇදීයාම වැළැක්වීම සඳහා අපි රජයත් සමග එකතුව වාහන ආනයනය සීමා කර තිබෙනවා. ඒ වාගේම අත්‍යවශ්‍ය නොවන භාණ්ඩ ආනයනයටත් දැඩි කොන්දේසි පනවා සීමා කර තිබෙනවා. මෙමගින් රුපියල අවප්‍රමාණය වීම වළක්වා ගන්න පුළුවන්. එහෙම කරන්න බැරි වුණොත් අපිට තවත් පියවර කීපයක් ගන්න සිද්ධ වේවී.
සමහර අය රුපියල අවප්‍රමාණය වීමෙන් රටේ සමස්ත ආර්ථිකය අවුල්වන බවට කරන ප්‍රකාශ නිවැරදි නෑ. අප රටේ වගේම වෙනත් රටවල්වලත් ඒ රටවල මුදල් අවප්‍රමාණය වී තිබෙනවා.
මේ තත්ත්වය වළක්වා ගන්න අපේ පොලී අනුපාත ඉහළ නොදමන්නේ ඇයි කියලා සමහර අය ප්‍රශ්න කරන්න පුළුවන්. අනෙක් රටවලට සාපේක්ෂව අපි පොලිය ඉතා ඉහළ මට්ටමක පවත්වා ගෙන යනවා. ඒ නිසා දැනට ඇති පොලී අනුපාත වෙනස් නොකරන්න මුදල් මණ්ඩලය තීරණය කළායැයිද මහ බැංකු අධිපතිවරයා කීවේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...