ජාතීන් අතර අසමගිය ඇතිකිරිමේ ප්‍රකාශයක් කිරිමේ චෝදනා යටතේ අත්අඩංගුවට පත්වූ විජයකලා මහේෂ්වරන් රුපියල් ලක්ෂ 5ක ශරීර ඇපයක් මත මුදා හැරිමට කොටුව මහේස්ත්‍රාත් රංග දිසානායක මහතා අද (08දා) කටයුතු කළේය.
සංවිධානාත්මක අපරාධ කොට්ඨාසය මගින් අද ඇයව අත්අඩංගුවට ගෙන අධිකරණයට ඉදිරිපත් කෙරිණ. පසුගිය දිනක ඇය එල්.ටී.ටී.ඊ. සංවිධානය යළි අවශ්‍ය බවට මතභේදාත්මක ප්‍රකාශයක් කළාය.
—————————————–
විජයකලා මහේෂ්වරන් අත්අඩංගුවට
හිටපු රාජ්‍ය ඇමතිනී විජයකලා මහේෂ්වරන් මීට සුළු වේලාවකට පෙර අත්අඩංගුවට ගෙන ඇති බව පොලිසිය සඳහන් කළා.
සංවිධානාත්මක අපරාධ කොට්ඨාශය මගින් ඇයව මෙලෙස අත්අඩංගුවට ගෙන ඇති බවයි සඳහන් වන්නේ.
ඇය ප්‍රකාශයක් ලබා දීම සඳහා පැමිණී අවස්ථාවේදී මෙම අත්අඩංගුවට ගැනීම සිදුව තිබෙනවා.
හිටපු රාජ්‍ය අමාත්‍ය විජයකලා මහේෂ්වරන්ගෙන් සංවිධානාත්මක අපරාධ කොට්ඨාසය මීට පෙරද ප්‍රශ්න කළා.
ඒ, එල්. ටී. ටී. ඊ. සංවිධානය නැවත ගොඩනැගිය යුතු බවට ඉකුත්දා යාපනයේ පැවති රාජ්‍ය උත්සවයකදී සිදු කළ මතභේදාත්මක ප‍්‍රකාශය සම්බන්ධයෙන්.
අදාළ ප‍්‍රකාශය පදනම් කර ගනිමින් ඉකුත් සමයේ රටපුරා දැඩි කතාබහක් මතුවුණා. ඒ සමගම විජයකලා මහේෂ්වරන් දැරූ ළමා කටයුතු රාජ්‍ය අමාත්‍ය ධුරය ද ඇයට අහිමි වුණා.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...