හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් හත් දෙනෙකුට එරෙහිව නීතිපතිවරයා විසින් ගොනු කර ඇති නඩුව දෙසැම්බර් මස 4 සිට දිනපතා විභාගයට ගන්නා බව අද (9) කොළඹ ත්‍රිපුද්ගල විශේෂ මහාධිකරණය ප්‍රනකාශ කළේය.
පසුගිය රජය සමයේ මැදමූලන ප්‍රදේශයේ දී රාජපක්ෂ අනුස්මරණ කෞතුකාගාරය ඉදිකිරීම සඳහා ඉඩම් ගොඩ කිරිමේ හා සංවර්ධනය කිරීමේ සංස්ථාවට අයත් රුපියල් මිලියන 33.9 ක් සාවද්‍ය පරිහරණය කළ බවට චෝදනා කරමින් ගෝඨාභය රාජපක්ෂ මහතා ඇතුළු විත්තිකරුවන්ට එරෙහිව පොදු දේපල පනත යටතේ නීතිපතිවරයා මෙම නඩුව පවරා ඇත.
මෙහි සෙසු විත්තිකරුවන් ලෙස ඉඩම් ගොඩකිරීමේ හා සංවර්ධනය කිරීමේ සංස්ථාවේ හිටපු සභාපති ප්‍රසාද් හර්ෂණ ද සිල්වා සහ එම ආයතනයේ අධ්‍යක්ෂ මණ්ඩල සාමාජිකයින් වශයෙන් සිටි භද්‍රාවතී කමලදාස, මල්ලිකා කුමාරි සේනාධිර, සුධම්මික ආටිගල, සමන් කුමාර ගලප්පත්ති , ඩී.මෙන්ඩිස් සාලිය යන අය නම් කර තිබේ.

මෙම නඩුව අද(09) පෙරවරුවේ සම්පත් අබේකෝන් (සභාපති), චම්පා ජානකී රාජරත්න, සම්පත් විජේරත්න සහ යන ත්‍රිපුද්ගල මහාධිකරණ විනිසුරු මඩුල්ල හමුවේ කැඳවන ලදී

————————

ගෝඨා විශේෂ මහාධිකරණයට

හිටපු ආරක්ෂක ලේකම් ගෝඨාභය රාජපක්ෂ මීට සුළු වේලාවකට පෙර ත්‍රිපුද්ගල විශේෂ මහාධිකරණයට පැමිණියේය.

ඩී.ඒ. රාජපක්ෂ අනුස්මරණ කෞතුකාගාරය ඉදිකිරිමේ දී රුපියල් මිලියන 49 ක මුදල් අවභාවිතා කළැයි කියන සිද්ධියක් සම්බන්ධයෙන් ප්‍රකාශයක් ලබාදීමට මෙලෙස පැමිණ තිබේ.