පළාත් පාලන මැතිවරණයට තරග කිරීමට ඉදිරිපත් කළ ශ්‍රී ලංකා පොදුජන පෙරමුණේ නාම යෝජනා පත්‍ර 06 ක්‌ සහ ශ්‍රී ලංකා නිදහස්‌ පක්‌ෂයේ නාම යෝජනා පත්‍ර 2ක්‌ ඊයේ (14 දා) ප්‍රතික්‌ෂේප කර ඇත.
පළාත් පාලන ආයතන 93 ක්‌ සඳහා නාම යෝජනා පත්‍ර භාරගැනීම ඊයේ මධ්‍යහ්න 12.00 ට අවසන් වූ අතර එහිදී ඉදිරිපත් වූ විරෝධතා සැලකිල්ලට ගෙන නාම යෝජනා පත්‍ර ප්‍රතික්‌ෂේප කිරීමට දිස්ත්රික් තේරීම් භාර නිලධාරීන් කටයුතු කර ඇත.
ශ්‍රී ලංකා පොදුජන පෙරමුණ බදුල්ල, මහියංගනය, අගලවත්ත, වැලිගම ප්‍රාදේශීය සභා හා පානදුර හා මහරගම නගර සභා සඳහා ඉදිරිපත් කර තිබූ නාම යෝජනා පත්‍ර ප්‍රතික්‌ෂේප කර ඇත.
ශ්‍රී ලංකා නිදහස්‌ පක්‌ෂය දෙහිඅත්තකණ්‌ඩිය හා පදියතලාව ප්‍රාදේශීය සභා සඳහා ඉදිරිපත් කර තිබූ නාම යෝජනා පත්‍ර ද ප්‍රතික්‌ෂේප වී තිබේ.
නාවලපිටිය නගර සභාවට එක්‌සත් ජාතික පක්‌ෂය ඉදිරිපත් කළ නාම යෝජනා පත්‍රයේ එක්‌a අපේක්‌ෂකයකුගේ නමක්‌ හා දෙහිවල ගල්කිස්‌ස මහ නගර සභාවට එක්‌සත් ජනතා නිදහස්‌ සන්ධානයෙන් ඉදිරිපත් කළ නාම යෝජනා පත්‍රයේ එක්‌ අපේක්‌ෂකයකුගේ නමක්‌ ද ප්‍රතික්‌ෂේප වී තිබේ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...