සුළු හා මධ්‍යම පරිමාණ ව්‍යවසායන් සහ කෘෂිකාර්මික ප්‍රවර්ධන සඳහා මූල්‍ය පහසුකම් වැඩිදියුණු කිරීමට හා පවත්නා බදු ක්‍රමය සරල කිරීමට අමාත්‍ය මණ්ඩලය අනුමැතිය ලැබි ඇත.

ඒ අනුව තේ, කුළු බඩු, ‍පොල්, රබර්, වී, පලතුරු, එළවළු ආදි ඕනෑම කෘෂිකාර්මික ආදායම මාර්ගයක් ඇති සුළු පරිමාණ ව්‍යවසායකයන් වසර 5ක කාලයක් දක්වා ආදායම් බදුවලින් නිදහස් කරන බව සම කැබිනට් ප්‍රකාශක මහින්ද සමරසිංහ මහතා පැවැසීය.

එමෙන්ම දේශීය කෘෂිකාර්මික භාණ්ඩ යොදාගනිමින් සැකසුම් කටයුතුවල නිරත වීමෙන් ලබන ලාභය මත බදු අනුපාතය 28 සිට 14 දක්වා අඩු කර තිබේ. කුඩා ව්‍යාපාර කටයුතුවල නිරත වන ව්‍යවසායකයන්ට සහනයක් ලෙස දැනට පවතින 0.5ක් වන ආර්ථික සේවා ගාස්තුව අදාළ වන ආදායම් සීමාව කාර්තුවකට රුපියල් මිලියන 12.5 සිට කාර්තුවක රුපියල් මිලියන 50 දක්වා ඉහළ නැංවීමට තීරණය කර ඇත.