පාර්ලිමේන්තු මන්ත්‍රී විජයදාස රාජපක්ෂ මහතා ව්‍යවස්ථාදායක සභාවේ සාමාජිකත්වයෙන් ඉල්ලා අස්වී තිබේ. ඊට අදාළ අස්වීමේ ලිපිය රාජපක්ෂ මහතා ජනාධිපති මෛත්‍රීපාල සිරිසේන මහතා වෙත භාර දී ඇත.
19 වෙනි ආණ්ඩුක්‍රම ව්‍යවස්ථා සංශෝධනය මගින් ව්‍යවස්ථාදායක සභාව පිහිටවනු ලැබූ අතර එය සාමාජිකයන් දහදෙනකුගෙන් සමන්විත වේ. එම ව්‍යවස්ථාදායක සභාවට කථානායකවරයා, අගමැතිවරයා සහ විපක්ෂ නායකවරයා නිල බලයෙන් පත්වේ.
විජයදාස රාජපක්ෂ මහතා අගමැති රනිල් වික්‍රමසිංහ මහතාගේ නියෝජිතයා වශයෙන් මෙම ව්‍යවස්ථාදායක සභාවට පත්කර තිබිණි. ඉකුත් 2015 සැප්තැම්බර් 9 වැනිදා දුන් මෙම පත්වීමෙහි ධුර කාලය ලබන 2018 සැප්තැම්බර් 9 වැනිදායින් අවසන් වීමටද නියමිතව තිබිණි.