බැදුම්කර මගඩිය පිළිබඳව එක්සත් ජාතික පක්ෂයේ සමස්ථ නායකත්වයම වගකිව යුතු බව නීතිඥ කල්‍යානන්ද තිරාණගම මහතා පවසයි.

ජාතික සංවිධාන එකමුතුව විසින් කැදවා මාධ්‍ය හමුවකට සහභාගි වෙමින් ඔහු මේ බව සඳහන් කර සිටියේය.

“2015 පෙබරවාර් මස 26 වෙනිදා මහ බැංකුවේ පවත්වනු ලැබු රැස්වීමට එක්සත් ජාතික පක්ෂයේ නායකයෝ සියළු දෙනා සහභාගි වෙලා තියනවා. මහලේකම් කබීර් හෂීම් සහභාගි වෙලා තියනවා. පක්ෂයේ නියෝජ්‍ය නායක රවී කරුණානායක සහභාගි වෙලා තියනවා. ඒ විතරක් නෙමෙයි. ඇමතිකමක් තියා මන්ත්‍රිකමක්වත් නැති මලික් සමරවික්‍රම ඒකට සහභාගි වෙනවා. මලික් සමරවික්‍රම කොහොමද මහ බැංකුවේ තීන්දු තීරණ ගන්න සහභාගි වෙන්නේ. එයා එක්සත් ජාතික පක්ෂයේ සභාපතිවරයා. එක්සත් ජාතික පක්ෂයේ ප්‍රධාන නිලධාරින් ටික අර්ජුන් මහේන්ද්‍රන් එක්ක එකතු වෙලා මේ තීන්දු තිරණ ගත්තා. මේ අය මහ බැංකුවට කියනවා නෑ අපිට බිලියන 10 ක් ඕන. ඉදිරි කාලයට පොලිය 9.5 යි. නෑ අපි 12.5 දෙනවා කියලා තින්දු කරනවා. එතකොට ඒ ගණුදෙණුවට එක්සත් ජාතික පක්ෂය සම්බන්ධ නැද්ද? එක්සත් ජාතික පක්ෂයට මිදෙන්න පුළුවන්ද මේකෙන්,” නීතිඥ කල්‍යාණන්ද විමසා සිටියේය.