ජනපති ධුර කාලය වසර 5ක්ද 6ක්ද යන්න ශ්‍රෙෂ්ඨාධිකරණයෙන් විමසීමට ජනාධිපති මෛත්‍රිපාල සිරිසේන මහතාට උපදෙස් ලබාදුන්නේ කවුද කියා සෙවීමට ශ්‍රී ලංකා නිදහස් පක්ෂයේ ජේෂඨයෝ පිරිසක් සූදානම් වෙති.
19 වෙනි ආණුඩු ක්‍රම ව්‍යවස්ථා සංශෝධනයේ ජනාධිපති ධුර කාලය වසර 5ක් බව පැහැදිලිව සඳහන් වෙද්දී එය වසර 5ක්ද 6ක්ද යනුවෙන් ශ්‍රේෂඨාධිකරණයෙන් විමසීමට තීරණය කිරීම මෛත්‍රිපාල සිරිසේන ජනාධිපතිවරයාට යම් දේශපාලන අවාසියක් සිදුවී ඇති බව ශ්‍රී ලංකා නිදහස් පක්ෂයේ එම ජේෂඨයින් පිරිසගේ අදහසයි එම නිසා දිරච්ච ලණුවක් ලබාදෙමින් මෙම වැරදි උපදෙස් ලබාදී ජනාධීපතිවරයා අපහසුතාවකට ලක්කළේ කවුරුන්ද එය කුමන අරමුණකින් සිදුකළාද යන්න කඩිනමින් සෙවීමට එම ජේෂ්ඨයින් සුදානම් වී සිටී. මෙම ජේෂඨයින් පිරිස අතර කැබිනට් මණ්ඩලය නියෝජනය කරන නීතීඥයින් වන අමාත්‍යවරුන් දෙදෙනෙකුද සිටිනබවද වාර්තාවේ.