පසුගිය දා හම්බන්තොට වීරවිල ගෝනගමුව ප්‍රදේශයේ කෝන්වැලැන ග්‍රාමනිලධාරී වසමේ දී තරුණයන් තිදෙනෙකු විසින් සමූහ දූෂණයට ලක් කරන ලද 14 හැවිරිදි පාසැල් දැරිය රොහලේ දැඩි සත්කාර ඒකකයට ඇතුළුකර සිටියදී මිය ගොස් ඇත. තම පෙම්වතා හා ඔහුගේ මිතුරන් දෙදෙනෙකු විසින් තමන් දූෂණය කළේ යයි ලිපියක් ලියා තබා නිවස පිටුපස ගසක ගෙල වැලලාගෙන මිය යාමට උත්සාහ දරද්දී නිවැසියන් විසින් ඇය බේරාගෙන රෝහල් ගත කර තිබුණි.
මේ වන විටත් අදාළ තරුණයන් තිදෙනා පොලීසිය විසින් අතඅඩංගුවට ගෙන රක්ෂිත බන්ධනාගාර ගත කර සිටි. අදාළ සමූහ දූෂණය සම්බන්ධයෙන් චෝදනා එල්ලවන්නේ ඇගේ පෙම්වතාට සහ ඔහුගේ මිතුරන් දෙදෙනෙකුටය. පසුගිය 09 වැනිදා රාත්‍රියේ දැරිය සමූහ දූෂණයට ලක්වන්නට ඇති බවට පොලීසිය සැක කරන අතර අදාළ තරුණයන් දැරියගේ නිවස ආසන්න ස්ථානයක මත්පැන් පානය කර ඉන් පසුව දැරිය දූෂණයට ලක්කරන්නට ඇති බව හෙළිවී ඇති තොරතුරු වල සඳහන්ය. මෙම දැරිය දූෂණය කිරීම සම්බන්ධයෙන් අත්අඩංගුවට ගෙන ඇති තිදෙනා හම්බන්තොට දිස්ත්‍රික්කයේ ප්‍රබල කැබිනට් අමාත්‍යවරයෙකුගේ සමීපතම ආධාරකරුවන් බව වාර්තාවේ. මේ වන විටත් මෙම සිද්ධියට සහ අමාත්‍යවරයාට එරෙහිව හම්බන්තොට වීරවිල ගෝනගමුව ප්‍රදේශයේ කළු කොඩි ඔසවා ඇති බවද දැනගන්නට ඇත.