ගෘහස්ථ විදුලි පරිපථ පද්ධති සඳහා භාවිතා කරන අයිතම නිෂ්පාදන කිහිපයකට ලබන වසරේ ජනවාරි මාසයේ සිට ශ්‍රී ලංකා ප්‍රමිති සහතිකය අනිවාර්යය කර තිබේ.

අංක 2048/39 දරන අතිවිශේෂ ගැසට් පත්‍රය මගින් වෝල්ටීයතාව වෝල්ට් 250ට අඩු අයිතම සඳහා ශ්‍රී ලංකා ප්‍රමිති සහතිකය හෙවත් එස්. එල්. එස්. සහතිකය අනිවාර්යය කර ඇත.

මේ අනුව කම්බි මාරු කළ හැකි හා නොහැකි පේනු (ප්ලග්) සඳහා SLS 734 PART 1ස්විච් සහිත හෝ රහිත තෙවෙනි පිටවාන් විදුලි දිගු සහ අතේ ගෙනයාහැකි තෙවෙනි පිටවාන් සඳහා SLS 734 PART 2 ඇඩැප්ටර් සහ තනිපරිවර්තක ඇඩැප්ටර් සඳහා SLS 734 PART 3 විලායන සහිත සම්බන්ධිකාරක ඒකක සහිත හා රහිත කාණ්ඩ සඳහා SLS 734 PART 4 විලායන සහිත පරිවර්තක පේනු සඳහා SLS 734 PART 5 සහ පේනු හා තෙවෙනි පිටවාන් සවිකර ඇති කේබල් රීල් සඳහා SLS 1532 සහතිකයත් ලබාගතයුතු වේ.